Ева Мендез ја жртвуваше кариерата за да му се посвети на семејството – што знаеме за нeјзината врска со Рајан Гослинг?

Во 2014-та година беше потврдено дека станале родители и ја добиле ќерката Есмералда Амада (8). Рајан најчесто ги избегнува прашањата што му ги поставуваат поврзани со неговата партнерка, но во 2015-та година за време на интервју рече:

„Знам дека сум со личнопста со која што треба да бидам. Таа е Ева Мендез и тоа ми е доволно.“

Во 2016-та година Ева и Рајан ја добија втората ќерка Амада Ли (6) која се роди само две недели откако актерката го загуби братот кој почина од канцер. На доделувањето на наградите Golden Globe во 2017-та година, каде Рајан ја доби наградата за најдобар актер за улогата во филмот La La Land, тој имаше емотивен говор:

„Додека јас пеев, танцував и свирев на пијано и го имав најубавото искуство за време на снимањето на филмот, мојата партнерка се грижеше за нашата ќерка, додека беше бремена со нашето второ дете и се грижеше за братот кој боледуваше од рак. Да не беша таа оваа награда сигурно ќе му припаднеше на некој друг. Затоа, душо, ти благодарам...“

На Рајан не му пречи тоа што живее во семејство во кое преовладуваат жени:

„Јас сум во рајот. Како да чекорам низ поле со цвеќиња секој ден. Живеам со ангели.“

Засега долго време се шпекулира дали парот тајно стапил во брак или не. Официјална потврда од нив нема, а Ева во една прилика рече дека не може да се препознае себеси по врската со Рајан.

Како што вели, пред да го запознае Рајан воопшто не ни помислувала на семејство, а откако се вљубила во него посакувала да ги има само неговите деца.

Б. С. Б. | Црнобело