Марго Роби е копија на Барби куклата по строгата диета и напорните тренинзи - први фотки од снимањето на филмот Barbie

Детали

среда, 22 јуни 2022

Јавноста со нетрпение го очекува играниот филм инспириран од Барби куклата во кој Марго Роби ја има главната улога, а сега се појавија и првите фотки од снимањето. По строгата диета и напорните тренинзи, актерката е идентична копија на култната кукла.

Во долгоочекуваниот филм за култната Барби кукла, главните улоги ќе ги глумат Марго Роби и Рајан Гослинг. Досега имавме видено само по една фотографија од актерите како нивните ликови, но деновиве папараците ја „уловија“ Марго Роби на самиот сет.

Новите папарацо фотки само потврдуваат дека 31-годишната актерка е совршениот избор за улогата. Неодамна таа откри дека за да се подготви за улогата ја држела таканаречената „Барби диета“ и почнала со интензивни тренинзи.

На фотографиите Марго излегува од нејзината камп-приколка на сетот во Лос Анџелес и е облечена во розово од глава до пети.

Актерката носи розови ѕвонарки украсени со ѕвезди на ногавиците, во комбинација со розов елек и сребрени штикли.

За дејството на филмот се познати многу малку детали, но според IMDb станува збор за романтична комедија.

Досега се направени бројни анимирани филмови инспирирани од култната кукла, но ова е првиот игран филм.

Работата на филмот почнала уште во 2014 година, а оттогаш до денес биле заменети неколку сценаристи, во план биле други актери, а било променето и студиото кое работи на филмот.

Марго ја доби улогата во 2019-та, а следната година изјави дека фановите можат да очекуваат нешто навистина оригинално.

За Марго Роби, но и за Рајан Гослинг, ова е необичен избор за улога – двајцата се познати по посериозни улоги. Токму поради ова, многу фанови се скептични за филмот.

Сепак, додека не видиме барем трејлер од филмот, не би требало да коментираме.

Премиерата на филмот е закажана за 21 јули 2023 година.

Погледнете и: „Оваа улога ќе го уништи“ – фановите лути на Рајан Гослинг, кој ќе го игра Кен во филмот Barbie (покрај Марго Роби)

Спирова С. | Црнобело