Јаде иста храна со години – Режимот со кој Клои Кардашијан ослабе повеќе од 20kg откако остана сингл

Детали

четврток, 30 јуни 2022

Станува збор за диета со малку јаглехидрати, со многу протеини и неколку оброци дневно. Оброците на Клои вклучуваат зеленчук, црвено месо, свежо овошје, риба, јајца, јаткасти плодови и вода.

Клои Kардашијан во последниов период драстично го промени изгледот и телото, но откри дека нејзината трансформација започнала по разделбата со НБА кошаркарот Ламар Одом и дека тоа било постепен процес.

Станува збор за диета со малку јаглехидрати, со многу протеини и неколку оброци дневно. Оброците на Клои вклучуваат зеленчук, црвено месо, свежо овошје, риба, јајца, јаткасти плодови и вода.

Таа следи кето диета бидејќи отсекогаш ѝ помагала да ја одржи тежината. Се откажала од млечни производи и преферира бадемово млеко, но открива дека сè уште има љубов кон сирењето.

Нејзиниот режим за слабеење со кој изгуби повеќе од 20kg:

Исхрана

Пред тренинг:  Една лажица путер од бадем и една лажица џем. 

Појадок: Овесна каша со ленено семе во прав, јајца и бобинки. 

Ужинка: Ореви и јаболка. 

Ручек: Пилешко или риба со многу салата и зеленчук како спанаќ, цвекло, брокула.

Ужинка: Овошје, зеленчук, бадеми или бобинки. 

Вечера: Грашок со ориз или зеленчук и риба.

Рутински тренинг за одржување на формата

Клои поминува многу време во теретана и тренира 5-6 пати неделно по 30-45 минути.

Нејзиниот тренинг вклучува комбинација од кардио и HIIT вежби.

Совети за слабеење од Клои:

1. Бидете трпеливи со себе. Потребно е време за да се видат резултатите. 

2. Патот кон слабеење е долг, па започнете полека. Првата недела можеби ќе вежбате 20 минути дневно, а потоа ќе имате повеќе сила и можете да го зголемите времето.

3. Не гладувајте и не се лишувајте од работите што сакате да ги јадете, но јадете ги умерено.

4. Хидратацијата е клучна за секое слабеење.

5. Држете се настрана од слатки пијалаци.