Беше во врска со Елен Деџенерис, бараат да ја исклучат од апарати – Која е актерката Ен Хеч, што доживеа страшна сообраќајна несреќа?

Детали

петок, 12 август 2022

Пред една недела со автомобил удри во семејна куќа, а семејството информира дека најверојатно нема да преживее. Беше во врска со Елен Деџенерис, а откако раскинаа стапи во брак со маж со кого доби син – факти за Ен Хеч.

Актерката Ен Хеч (53) на 5-ти август актерката имаше тешка сообраќајна несреќа кога со својот автомобил Mini Cooper прво удри во гаража од станбен комплекс, по што поголем број луѓе се собрале да ѝ помогнат.

Таа ја одбила нивната помош и заминала со автомобилот, по што удрила во семејна куќа и нејзиниот автомобил веднаш се запалил.

Една недела подоцна, нејзиното семејство треба да донесе тешка одлука за тоа дали да се исклучат апаратите што во изминатите неколку дена ја оддржуваат актерката во живот, а одлуката се очекува да биде донесена откако ќе се утврди дали нејзините органи може да се донираат.

Не се очекува дека Ен ќе ги преживее повредите со кои се здоби во страшната сообраќајна несреќа.

Според информациите што нејзиното семејство ги даде во официјално соопштение, кај актерката нема мозочна функција и најверојатно ќе биде исклучена од животна поддршка.

Според анализите на крвта кај Ен било забележено огромно количество на опојни супстанци, а се верува дека актерката пред да седне зад воланот консумирала поголемо количество кокаин.

Која е актерката Ен Хеч и што знаеме за неа?

Во продолжение неколку интересни факти што можеби не сте ги знаеле, а што ја одбележаа нејзината кариера:

Ен е родена во 1969-та година во Аурора, Охајо, во конзервативно семејство, а татко ѝ бил диригент во црковен хор. Имала четворица браќа и сестри, од кои тројца се починати, а татко ѝ починал додека Ен сѐ уште била тинејџер.

Актерката отворено зборуваше за своето тешко детство и во своите мемоари Call me Crazy тврдеше дека била злоупотребувана од татко ѝ. Мајка ѝ и сестра ѝ од друга страна, ги негираа ваквите тврдења и ги прекинаа сите контакти со актерката.

Првата улога ја доби веднаш штом го заврши средното образование во ТВ серијата Another World каде играше близначки. По ова следуваа повеќе покрупни филмски проекти, а најпозната е по улогата во филмот Six Days Seven Nights со Харисон Форд.

Освен по големиот број филмски успеси Ен Хеч ќе остане запаметена и како поранешна партнерка на Елен Деџенерис со која беше во врска во периодот од 1997-ма до 2000-та година.

Елен и Ен привлекуваа многу внимание со нивната врска, а Ен во една прилика откри како на премиерата на нејзиниот филм Volcano одлучила да оди заедно со Елен на црвениот тепих, а ѝ рекле да си замине уште пред да заврши филмот и не ѝ дозволиле да оди на забавата.

Во 2000-тата кога раскинаа, двете тврдеа дека помеѓу нив згаснала љубовта и дека заради тоа се разделуваат. Елен остана да живее во нејзината куќа, додека Ен се пресели кај пријатели.

По разделбата со Елен, Ен во 2001-ва година се омажи за агентот за недвижности Коли Лафон со кого го доби синот Хомер (20). Сепак нивниот брак траеше до 2009-та година кога се разведоа. Ен и Коли долго време водеа битка за старателството над синот.

Во 2006-та година таа започна врска со Џејмс Тупер со кого го доби синот Атлас (13). Таа и Џејмс долги години наназад водат битка за старателство. Во судските документи стои дека Џејмс ја обвинил за долгогодишно користење опојни супстанци.

 

 Б. С. Б. | Црнобело