Бред Пит (58) ги разгоре шпекулациите за нова романса – забележан со 29-годишна девојка на концерт (фото)

Детали

среда, 16 ноември 2022

Се чини дека Бред Пит има нова девојка со која беше забележан на концерт - 29-годишна инфлуенсерка која до неодамна беше во брак со друг познат актер. Ова е првата девојка по Анџелина Џоли со која тој делумно разменува нежности во јавност. 

По шпекулациите за врската со Емили Ратајковски, Бред Пит беше забележан со друга жена на концерт.

На фотките споделени од страна на Daily Mail, актерот е во друштво на неколку пријатели, вклучувајќи ги Синди Крафорд и Шон Пен, а покрај него е и 29-годишната Инес де Рамон.

58-годишниот актер и Инес се застанати еден до друг, постојано разговараат, а Бред Пит неколкупати ја допре.

Иако не е потврдено дека се пар, хемијата помеѓу нив е повеќе од очигледна.

По разводот со Анџелина Џоли, Бред Пит беше поврзуван со неколку различни жени, но актерот скоро никогаш не разменувал нежности во јавност, како што е случајот со Инес.

Според изворите, актерот и Инес заедно пристигнале на концертот, а потоа Бред ја запознал со неговите познати пријатели.

Потоа актерот се поздравувал и со фанови, но тогаш Инес се држела понастрана од него.

По завршувањето на концертот, актерот ја испратил Инес дома со автомобилот на неговиот телохранител, пред и тој да го напушти концертот со својот автомобил.

Инес е поранешна сопруга на Пол Весли, најпознат по улогата во серијата The Vampire Diaries. Таа е најпозната по неуспешниот брак со актерот, но е активна и на Инстаграм каде што има околу 112.000 следбеници.

Инес и Пол се венчаа во 2019 година, а се разделија во септември годинава.

Во меѓувреме, Бред Пит уште води битка со Анџелина Џоли за старателството над нивните деца, но и за бизнисите и имотот што ги имаа додека беа во брак.

Спирова С. | Црнобело