Наоми Кемпбел критикувана за „најлошо фотошопирање“ на фотки од Оскарите

Детали

четврток, 16 март 2023

Наоми Кемпбел си ја смалила главата и целосно си ја променила формата на вилицата со Фотошоп на фотките од забавата по Оскарите и, очекувано, веднаш се најде на мета на критики.

Наоми Кемпбел беше критикувана од јавноста откако нејзините фанови забележаа драстична разлика помеѓу официјалните фотки од Оскарите и истите фотки што самата ги сподели на Инстаграм.

52-годишниот супермодел присуствуваше на забавата на Vanity Fair која традиционално се одржува по Оскарите и изгледаше совршено со впечатливиот долг фустан.

Но, изгледа самата Наоми не била задоволна од својот изглед, па сподели фотографии од настанот на кои искористила премногу Фотошоп.

Истите фотографии беа објавени претходно и не се уредувани, па разликата е повеќе од очигледна.

Наоми не користела само филтри, туку си ја смалила главата и целосно ја променила формата на вилицата со Фотошоп.

Во коментари, нејзините следбеници ја критикуваат и истакнуваат дека таа е една од најубавите жени и нема потреба да ги уредува фотографиите.

„Те молам избриши ја фотката. Изгледаше прекрасно без Фотошоп! Нема потреба да ги уредуваш фотографиите!“

„Таа е Наоми! И нејзиниот тим не можел да најде ниту една добра фотографија?“

 

„Ова не е реално, што се случува?!“

„Најми ме мене, јас можам подобро да ти ги уредувам фотографиите за Инстаграм“.

Спирова С. | Црнобело