Отвори 4 бесплатни болници за сиромашни, дава милиони во хумани цели - Животниот пат на Мајкл Џордан

Детали

недела, 30 март 2025

Неодамна отвори бесплатна клиника за лекување на сиромашните луѓе од градот во кој порасна. По неверојатната кошаркарска кариера и милионите што ги заработи, Мајкл Џордан, своето богатство го дели со оние кои немаат основни услови за живот.

Многумина го нарекуваат најголемиот кошаркар на сите времиња, и не сакаат таа титула да ја „предадат“ на Леброн Џејмс, Никола Јокиќ или Коби Брајант.

За фановите на Мајкл Џордан само еден е најголемиот од сите, а тоа е токму човекот кој го носеше бројот 23 во „Чикаго булс“ и кој ја крена кошарката на едно сосема повисоко ниво.

На 62 години Мајкл Џордан скоро и да не го интересира кошарката, туку добротворната работа, желбата да им помогне на најсиромашните луѓе во Америка.

Токму затоа, неодамна тој ја отвори својата четврта клиника за сиромашни, во која ќе може да се лекуваат бесплатно најзагрозените групи на граѓани во САД, а кои немаат здравствено осигурување и не можат да си ги дозволат скапите лекарски сметки.

Клиниката се наоѓа во Вилмингтон, градот во кој пораснал, и е втора во овој град.

Својот хуман проект Џордан го почна во 2019 година, а во 2024 донираше 10 милиони долари за лекување на неговите сограѓани, кога, всушност, ја отвори првата клиника во Вилмингтон.

„За мене е ова лично. Исполнет сум кога што гледам како клиниката влијае на подобрувањето на здравјето на многу поединци и семејства. Важно ми е мојата заедница да има квалитетна здравствена грижа“ - рекол Џордан.

Освен хуманитарната работа, што друго го одбележа животот на Мајкл Џордан?

Роден е на 17 февруари 1963 во Њујорк, но неговите родители се преселиле во Вилмингтон неколку години по неговото раѓање.

Има два постари браќа и две сестри - едната е постара, а другата е помала од него.

Почнал да игра кошарка поради својот брат Лари.

Двајцата го носеле бројот 45, но кога играле за ист тим, Мајкл, како помал, морал да избере друг број. Па, го поделил 45 на половина и 22,5 го заокружил на 23.

Бил многу близок со татко му и признава дека тој дури трипати „го враќал“ на вистинскиот пат, кога почнувал да талка во тинејџерските години.

Професионалната кариера ја почнал во 1984 година, заедно со Чарлс Баркли, Хаким Олајџувон и Џон Стоктон.

Во 1986 година дипломирал на Универзитетот на Северна Каролина, на отсекот географија.

Стидиите ги завршил во паузата од кариерата, бидејќи ја скршил ногата и не можел да игра.

На секој свој натпревар под дресот на „Чикаго булс“ носел шорцеви со логото на неговиот универзитет.

Продолжува на следната страница...