Никола Јокиќ изненаден - НБА ѕвезда носи јакна со вез како Св. Ѓорѓи ја убива ламјата, чини 20.000 долари

Детали

понеделник, 16 февруари 2026

Еден од највпечатливите моменти од кошаркарскиот All Star викенд, беше влегувањето на Карл Ентони Таунс во соблекувалната во јакна со христијански мотив и реакцијата на Никола Јокиќ и Стеф Кари.

Изминатиов викенд во Лос Анџелес се одржа најголемиот натпревар во НБА, каде што играа најдобрите кошаркари од лигата, поделени во два тима - „Ѕвезди“ и „Свет“.

Меѓу оние што играа на турнирот беа и Никола Јокиќ, Лука Дончиќ, Стеф Кари, Џејлен Браун, Леброн Џејмс и многу други.

Сепак, еден од највпечатливите моменти од кошаркарскиот викенд, беше влегувањето на Карл Ентони Таунс во соблекувалната во јакна со христијански мотив, на која има вез како Св. Ѓорѓи ја убива ламјата, и реакцијата на Никола Јокиќ.

Српскиот кошаркар ја забележува јакната, доаѓа до Таунс и му вели „Ова е српски мотив“.

„Српски?“ прашува Таунс.

Јокиќ во тој момент се врти кон фотографите во соблекувалната и им вели ако некој може некој да го фотографира и со прстот покажува кон јакната.

Во нивна близина е Стеф Кари, кој зачудено се наведнува да ја види јакната, па прашува: „Што е српско? Коњот позади?“

По натпреварот, на прашање за јакната, Таунс за Mozzart Sport рекол дека не знае многу, освен дека се изработени само 25 јакни со овој мотив.

„Сè е направено во соработка со Џеф Хамилтон и го поздравувам. Јакната е направена по моја мерка, и навистина ми се допаѓа, тоа е вистинско уметничко дело.

Ми се допаѓа како се направени шевовите и сите детали, шаблонот по кој е направена. Го поздравувам и Јокиќ, му благодарам“, им рекол тој на српските новинари од редакцијата на Моцарт.

Тие, пак, јавуваат дека за овој конкретен модел на јакна не постои точна цена, но дека е познато дека јакните на Џеф Хамилтон се продаваат за околу 20.000 долари.

Погледнете го видеото од соблекувалната и реакциите на Јокиќ и Кари:

Прочитајте и Најдобриот NBA играч во моментов, носеше патики од Сатја Грабулоски - Македонски шмек на All Star викендот

А. Ј. | Црнобело