Прекрасното семејство на фудбалерот Кака – втората сопруга има иста впечатлива насмевка, првата го оставила затоа што бил пресовршен

Детали

сабота, 16 август 2025

Првата сопруга на Кака наводно изјавила дека се развела од него затоа што бил премногу совршен, а тој сега е во среќен брак со бразилски модел и го слави нејзиниот 30-ти роденден. „Те запознав кога имаше 21...“ – започнува емотивната објава. Запознајте го прекрасното семејство на фудбалерот Рикардо Кака (43).

Рикардо Кака (43) имаше блескава фудбалска кариера, играше за европски клубови како Милан и Реал Мадрид, но во 2017-та се пензионираше од професионалниот фудбал.

За време на најславните години, за него речиси и да немаше никакви скандали, а тогаш беше во среќен брак со љубовта од детството, Каролине Сесилија.

Нивниот брак траеше од 2005-та до 2015-та, а за време на овие 10 години, тие добија две прекрасни деца - Лука (2008) и Изабела (2011).

Сепак, нивната љубов заврши, а пред неколку години, неговата поранешна сопруга ја откри необичната причина заради која им се разишле патиштата.

„Морав да бидам многу храбра, затоа што немав причини од типот – бев нападната или изневерена. Не бев ништо од тоа.

Ништо лошо не се случуваше, па зошто се разделивме? Зошто не бев среќна?

Се гледав како неуспешна личност, затоа што бев во брак со многу добра личност, искрен човек, добар татко, тој беше пресовршен.

Разделбата ми беше потребна за мој личен раст“ – изјавила наводно таа, како што пренесуваа светските медиуми.

Сепак, подоцна таа го демантирала тоа, без да нагласи што точно била причината за разводот, велејќи дека сега живее среќен живот со својот втор сопруг, со кого имаат и едно заедничко дете. 

Иако многумина мислеа дека Кака нема да продолжи со љубовниот живот по неа, сепак тој, една година подоцна ја запозна својата сродна душа.

Тој се вљубил во бразилскиот модел Каролина Диас, која тогаш имала 21 година, а тој e 13 години постар од неа.

Во 2019-та парот стапи во брак, кој е крунисан со уште две прекрасни деца кој фудбалерот ги доби со втората сопруга.

Тие делуваат како среќно семејство, постојано патуваат заедно и објавуваат фотки со четирите деца – сите имаат блескави, широки насмевки, иста како онаа што е препознатлив знак за заводливиот Бразилец Кака.

Неодамна, неговата сопруга наполни 30 години, а тој сподели повеќе фотки и напиша емотивна објава:

„Денес е денот кога го славиме животот на мојата сопруга, мојот пријател, мојот партнер. Моето срце е исполнето со благодарност кон Бога за твоето постоење.

Ова е 9-та година која ја поминуваме заедно. Те запознав кога имаше 21 година, прекрасна, полна со сила и храброст.

Денес, полниш 30 и зрачиш со сјајот што го има некој кој чекори со Христос во себе.

Заедно ќе продолжиме да градиме и да собираме прекрасни моменти, на плажа, на снег, на село, во лет, каде и да одиш, сигурен сум, ако сме заедно, ќе биде прекрасно и посебно.

Нека Бог ти го води секој чекор и нека те опсипува со радост. Среќен роденден љубов моја. Те сакам засекогаш!“

Повеќе фотки од семејството на Кака: 

М. М. | Црнобело