Нашата скијачка Јана Атанасовска не ја заврши трката во слалом на Олимпијадата 2026

Детали

среда, 18 февруари 2026

„По идентичното сценарио од велеслаломот пред неколку дена, Јана направи грешка на самиот старт од првото возење, со што предвреме го заврши своето учество на овие Олимписки игри и нема да настапи во втората трка“, напишаа од МОК за настапот на нашата скијачка.

Нашата Јана Атанасовска имаше неуспешен настап и на втората трка за Зимската олимпијада 2026. Откако не ја заврши трката во велеслалом викендот, таа денес не успеа да ја извози ни првата трка во дисциплината слалом.

Со настапот на Јана, заврши и настапот на сите македонски Олимпијци на овие Игри.

„На Зимските олимписки игри Милано-Кортина 2026, нашата млада претставничка Јана Атанасовска не успеа да ја совлада патеката ниту во денешниот слалом.

По идентичното сценарио од велеслаломот пред неколку дена, Јана направи грешка на самиот старт од првото возење, со што предвреме го заврши своето учество на овие Олимписки игри и нема да настапи во втората трка.

Иако очекувањата беа големи, неискуството и преголемата желба за успех на најголемата спортска сцена беа пресудни овојпат. Олимписките игри носат огромен притисок, а денешниот настап е само уште еден чекор во градењето на кариерата на нашата надежна скијачка.

На Јана ѝ посакуваме многу повеќе среќа, успех и уште подобри резултати на сите следни натпреварувања“, напишаа од Македонскиот олимписки тим.

А. Ј. | Црнобело