Во сообраќајка загина фудбалерот Диого Жота (28), две недели по свадбата со љубовта од детството

Детали

четврток, 03 јули 2025

До несреќата, наводно, дошло поради пукање на гума на возилото, по што тоа излетало од патот и се запалило. Освен ѕвездата на Ливерпул, се верува дека загинал и неговиот брат Андре (26), кој го возел автомобилот.

Репрезентативецот на Португалија и ѕвезда на Ливерпул, Диого Жота, загина рано утрово во сообраќајна несреќа во покраината Замора, во западна Шпанија.

Со него, наводно загинал и неговиот брат Андре (26), кој управувал со возилото марка Lamborghini.

Според шпанска „Марка“, несреќата се случила на автопат во близина на градот Ваљадолид.

Според истиот медиум, до несреќата дошло поради пукање на гума на возилото, по што тоа излетало од патот и се запалило.

На интернет се споделува и видео од пожарот по несреќата (кликнете за да го погледнете):

Очевидец на несреќата, кој повикал полиција и противпожарна, рекол дека автомобилот горел, а дека се запалила и околната вегетација.

Веста за смртта на Жота доаѓа само две недели откако спортските медиуми пишуваа дека младиот фудбалер направи свадба и се венча со својата љубов од детството, Рут Кардозо.

Парот има три деца - синовите Денис и Дуарте, и ќерката која се роди во 2024, но чие име не го открија јавно.

Прочитајте и Се запознале на 16 години, се венчаа 11 дена пред да загине: Љубовната приказна на Диого Жота и сопругата заврши трагично

А. Ј. | Црнобело