Се запознале на 16 години, се венчаа 11 дена пред да загине: Љубовната приказна на Диого Жота и сопругата заврши трагично

Детали

четврток, 03 јули 2025

Португалскиот фудбалер се заљубил во Рут кога имал 16 години, во 2012 година, а потоа почнале врска во која таа му била најголема поддршка - парот има три деца, а најмалото дете се роди на крајот на 2024-та.

На само 16 години, португалскиот фудбалер Диого Жота ја запозна жената на својот животот - Рут Кордозо.

Љубовта ја крунисаа со три дечиња и свадба, која се случи пред само 11 дена, на 22 јуни 2025.

Но, она што беше почеток на новото поглавје во нивниот живот, утрово заврши трагично, откако Диого загина во сообраќајна несреќа.

Напаѓачот за англискиот клуб Ливерпул загина заедно со својот помлад брат Андре (26), кој го возел автомобилот во моментот на несреќата.

На социјалните мрежи се споделува и видео од несреќата (кликнете за да го погледнете):

Што знаеме за големата љубов од детството на Диого и Рут?

Португалскиот фудбалер се заљубил во Рут кога имал 16 години, во 2012 година, а потоа почнале врска во која таа му била најголема поддршка.

Таа го следела од Порто до Велика Британија, го бодрела од трибините и го пречекувала со насмевка дури и кога имал падови.

Во овие 13 години љубов, им се родија три деца.

Прво ги добија синовите Денис (4) и Дуарте (2), а на крајот на 2024 година се роди нивната ќерка, чие име никогаш не го открија во јавноста.

Иако биле заедно од 2012, се свршиле 10 години подоцна, во 2022 година, по раѓањето на ќерката.

Но не брзале ни со свадбата, па судбоносното „да“ го кажаа на 22 јуни 2025, само 11 дена пред неговата смрт.

Иако Диого низ годините ретко споделувал моменти од приватниот живот, сепак објавил неколку фотографии од свадбата на Инстаграм.

„Ден што никогаш нема да го заборавиме“ - напишал тој.

На фотките ја гледа Рут заљубено, танцуваат заедно, ја напуштаат црквата во Порто и позираат среќно.

„Да - засекогаш. Мојот сон се оствари“ - напишала Рут на своите фотки.

Инаку, вчера, само еден ден пред трагичната несреќа, беше објавено интервју со Диого, во кое тој вели дека е „најсреќниот човек на светот“.

Повеќе фотографии од Диого и семејството на следната страница...