Олимпискиот нуркач го покажа џемперот што го плетеше на спортски натпревар – што сè има исплетено досега? (фото)
- Детали
- петок, 06 август 2021
Британскиот нуркач Том Далеј го привлече вниманието на јавноста откако беше фотографиран како плете џемпер додека следи спортски натпревар. Сега Том го заврши „олимпискиот џемпер“, но ова не е неговата прва ваква креација.
На 26-ти јули, британскиот нуркач Том Далеј освои злато на Олимписките игри, а само неколку денови подоцна повторно го привлече вниманието на јавноста со неговиот талент за плетење.
За време на еден од натпреварите на Игрите, Том беше забележан како плете џемпер додека го следи настанот, а интересните фотки веднаш ја освоија јавноста. Сега, пак, Том го завршил џемперот и се пофали на Инстаграм со видео и неколку фотки.
„Мојот олимписки џемпер! Кога заминав во Токио, сакав да направам нешто што во иднина ќе ме потсетува на Олимписките игри. Направив дезен кој означува сè за овие игри! На грбот го направив класичното лого на тимот на Велика Британија, на рамената има знаме и буквите GBR (Велика Британија). Предниот дел сакав да биде едноставен и го дадов најдоброто од себе да го извезам името Токио на јапонски!“, стои во описот на објавата.
Инаку, Том има 27 години и досега се натпреварувал на Олимписките игри дури четирипати, а годинава првпат се закити со злато. Покрај спортската кариера, Том вистински ужива во плетењето и има Инстаграм профил посветен само на неговите креации.
Благодарение на олимпискиот џемпер, овој профил стана доста популарен, па сега Том може да се пофали со дури 1 милион следбеници.
Том реши да ја искористи стекнатата популарност на профилот за да ја подигне свеста и да помогне во собирањето средства за најголемата добротворна организација која се залага за луѓето со тумор на мозокот – причината за смртта на неговиот татко.
Татко му бил дијагностициран во 2006 година, но починал во 2011-та, и покрај многуте третмани и терапии.
„Бидејќи мојот профил за плетење станува популарен, сакам да ја искористам можноста и да соберам пари за организацијата, во чест на мојот татко!“, стои во описот на објавата.
BBC Sport го забележа интересното хоби на Том уште минатата година, а нуркачот откри дека тоа всушност било неговото „тајно оружје“:
„Има многу работи што ми помагаат да се релаксирам, како јога и визуелизација, но почнав и да плетам – нешто што е моето тајно оружје. Тоа е дел од мојата рутина за релаксација, начин накратко да избегам од сè“.
Од 2017 година, Том е во брак со американскиот сценарист Дастин Ленс Блек со кого има и 3-годишно синче.
Во интервјуто за BBC, тој откри дека речиси сите плетени креации, како шалови и капи, ги прави токму за синчето.
Повеќе фотки од плетените креации на Том на следната страница...
Би можело да ве интересира:
Препорачуваме
Најчитани неделава
