Носи маска заради повредата на носот, „паѓа“ на постари девојки – Факти за најзгодниот фудбалер на хрватската репрезентација Јошко Гвардиол

Во моментов Гвардиол има договор со РБ Лајпциг до 2027-ма година, а по настапите на Светското Првенство во Катар голем број светски познати клубови се заинтересирани да потпишат договор со него.

Она што е особено интересно е дека Гвардиол на натпреварите од Светското првенство во Катар настапува со заштитна маска на лицето, што ја носи затоа што непосредно пред да отпатува во Катар имаше повреда на носот во судир со глава со колегата Вилијам Орбан.

Тој се пошегува тогаш на сопствена сметка и објави фотографија на Инстаграм на која може да се види повредата и напиша: „Треба да го видите другиот...“

Инаку, за време на сите натпревари од Светското првенство тој ќе ја носи црната заштитна маска што е специјално дизајнирана за него и била изработена за само неколку денови.

Откако почнал да заработува добро од фудбал, Јошко одлучил да ги почести родителите нова куќа во Загреб, а речиси целиот свет имаше можност да ја види фотографијата како тој ја прегрнува мајка си по победата над Белгија.

Што се однесува до приватниот живот, Јошко открива дека во моментов е „сингл“ и дека нема девојка, а на прашањето кои се според него најубави жени во светот, тој одговори Џенифер Лопез, Шакира и Анџелина Џоли и призна дека го привлекуваат повозрасни девојки.

Б. С. Б. | Црнобело