„Ја мрази мојата работа, но и мене зошто си ја сакам работата“ – Канадскиот премиер за сопругата од која се разведува по 18 години

Во 2014-та година постоеја шпекулации за неверство, а Џастин отворено зборуваше дека неговата работа му создава голем број проблеми во бракот.

„Постојат мигови кога таа ја мрази мојата работа и ме мрази мене што си ја сакам работата.

Има моменти кога разбира дека имаме голем број можности, но и одговорности затоа што ѝ служиме на државата што ни дала толку многу“ – рече тој и додаде дека неговиот брак имал голем број подеми и падови.

Во 2015-та година Софи беше прогласена за најзгодна првa дама во светот според New York Post.

Тие беа пар што честопати ја изненадуваа јавноста со тоа што отворено ги покажуваа чувствата еден за друг. Во 2016-та година позираа за насловната страница на Vogue, прегрнати, а Џастин ја држеше сопругата за задникот.

Според информациите во светските новински агенции, во моментот кога на социјалните мрежи објавиле дека се разведуваат, Софи и Џастин веќе ги имале потпишано сите легални документи и таа се отселила од семејната куќа.

Се знае дека поранешната сопруга на канадскиот премиер ќе живее во куќа во Отава и ќе имаат заедничко старателство над децата, а веќе има 3 договори за книги со издавачки куќи.

Првата книга ќе се однесува на здравјето на возрасните и ќе биде објавена во 2024-та година, а втората ќе биде книга за деца.

Б. С. Б. | Црнобело