Потресно сведоштво на маж, жртва на домашно насилство: „Сопругата ми се закануваше со нож“

Детали

четврток, 21 март 2024

„Полошо од физичкото насилство, беа навредите и работите што ме деморализираа“, открива Британец кој 20 години трпел физичко и психичко насилство од страна на сопругата.

Домашното насилство е мошне честа појава, а во поголемиот број случаи жртвите се жени. Но, ова никако не значи дека мажите се имуни на ваков вид насилство.

А, стигмата околу домашното насилство постои и кај двата пола – жртвите, најчесто од срам, молчат за тортурата што ја трпат.

Сакајќи да ја зголеми свеста за мажите жртви на домашно насилство, Ричард Спенсер од Англија ја споделува својата трогателна приказна.

За луѓето околу него, Ричард имал совршен живот – успешна кариера, огромна куќа во елитна населба, сопруга и три ќерки.

Но, зад затворени врати, Ричард 20 години трпел насилство од страна на сопругата Шери (46).

Во емисија за телевизијата Channel 5, Ричард открива дека неговата сопруга била уапсена откако тој ги снимил нападите во неговиот дом, а направил и фотографии на кои му се гледаат модринките и раните од сопругата.

Но, физичкото насилство било само мал дел од она што го трпел Ричард, а наводно судијата го опишал како „најлошиот случај на контрола и насилство што го видел“.

„Она што имаше полошо влијание од физичкото насилство, беа деморализирачките работи што ми ги правеше.

На пример, во кујната често имавме кутија со 12 или повеќе јајца и таа ќе дојдеше до мене и ќе ми ги скршеше од главата или од лицето. Некогаш беше толку гневна, што лушпите ми ја сечеа кожата.

Се чувствував беспомошно секогаш кога се случуваа овие работи“.

Таа честопати му зборувала одвратни работи за мајка му која починала од рак, и му дофрлала и злобни коментари – дека посакувала и сестра му да умре од рак.

Во една ситуација, таа скршила шише вино од главата на Ричард, а кога тој пробал да ѝ каже дека е во болка бидејќи му го пресекла увото, таа почнала да го удира.

Притоа, се заканувала дека самата ќе си нанесе повреди и ќе им кажува на соседите дека тој ја тепа.

Во една ситуација, дури и почнала да вика низ прозорецот дека Ричард ја тепал.

По некое време, соседите станале свесни за насилството во домот на Ричард, но и им станало јасно дека тој е жртвата.

Имено, Ричард правел скара со неколку соседи, а со него биле и ќерките.

Тогаш сопругата дошла за да ги однесе ќерките на спиење, а Ричард решил да се отвори пред соседите.

Во емисијата, сосед на Ричард се присетува на насилните ситуации со неговата сопруга.

„Еднаш му рече да купи вино или нешто, тој се двоумеше (дали да оди) и ја погледна. Тогаш, таа зеде кујнски нож и ги исече гумите на автомобилот“.

Продолжува на следната страница...