Американка на 100-годишна возраст работи како касиерка: „Трипати одев во пензија, но здодевно ми е“

Детали

четврток, 06 февруари 2025

Џоклета Вилсон од САД има 100 години и работи како касиерка, бидејќи, како што вели, ѝ било досадно да седи дома. Па, сега е најстарата вработена во компанијата.

Повеќето луѓе едвај чекаат да се пензионираат и да уживаат во животот.

Но, ова не важи за 100-годишната Џоклета Вилсон од САД која работи како касиерка.

Џоклета работи во продавница на Home Depot во Кентаки и е најстарата вработена во американската компанија.

Таа се пензионирала, но сфатила дека седењето дома ѝ е здодевно. Па, решила да аплицира за работа.

„Сакав да комуницирам со луѓе. Ако не работиш, ја губиш способноста за комуникација.

Трипати одев во пензија. Секојпат по 10 години и ми досадуваше, ми се смачи од мене, не можев да поднесам да седам дома“.

И покрај возраста, Џоклета е во топ-форма – живее сама, вози автомобил и со задоволство готви.

Единствено најмила чистачка бидејќи не сака да троши време во чистење.

„Секако дека можам и да чистам, но не сакам“, вели низ смеа за американскиот медиум Today.

Во минатото, Џоклета имала рак на дојка, а се соочува и со хронична опструктивна пулмонална болест.

Но, вели дека моментално кај неа сè функционира како што треба.

Притоа, обрнува посебно внимание на исхраната по дијагнозата со рак, но не си забранува и по некое задоволство.

„Се чувствувам како да имам 40 години. Не се грижам за неважните работи и тоа ми помага.

Во фрижидерот секогаш имам чоколадна торта. Па, еднаш неделно јадам по едно парче“.

Порано Џоклета била професионална танчарка и веројатно физичката активност во младоста има удел во нејзината виталност.

А, вели дека и сега одвреме-навреме танцува.

„Покрај мене секогаш има радио. Си пуштам музика и скокам, се движам и убаво ми е.

На ова возраст, тоа ми е вежбањето“.

Џоклета има време и за хоби – таа слика, а нејзините уметнички дела се достапни и за продажба.

„Секогаш им велам на другите да не се грижат за ситници. Да не дозволуваат нешто да ги разгневи. Гневот активира многу мускули и ги краде убавите нешта од животот.

Полесно е да мислите позитивно. Треба помалку напор. И, јас го правам токму тоа“, советува Џоклета.

Спирова С. | Црнобело