Најпосакуваниот маж на Тиндер, по 9 години пронајде љубов, но не преку апликацијата, туку во живо

Детали

петок, 11 јули 2025

„Мојата жена од соништата била офлајн цело време“, изјави Стефан-Пјер Томлин (34), кој првпат ја симнал апликацијата за запознавање Тиндер во 2015 година, откако, како што вели, „се мачел да ја најде љубовта“.

Запознајте го најпосакуваниот маж на Тиндер, кој конечно во 2024-та ја најде љубовта по девет години на Тиндер, а сега и проговори за неа... Но, вели дека неговата „жена од соништата“ била офлајн цело време.

Стефан-Пјер Томлин (34) од Велика Британија, модел по професија и пилот, првпат ја симнал апликацијата за запознавање во јуни 2015 година, откако, како што вели, „се мачел да ја најде љубовта“.

Но, две години подоцна станал „зависник“ – трошел повеќе од три часа дневно во пребарување потенцијални патнерки.

Во 2017 година официјално добил титула „Мистер Тиндер“, откако се откри дека повеќе од 14.600 корисници го „свајкнале десно“, што значи дека бил најпосакуваниот маж на апликацијата.

На апликацијата Tinder „swipe left“ значи одбиваш, а „swipe right“ значи прифаќаш некого, што значи за него имало интерес од многу, многу жени.

Иако имал илјадници состаноци, Стефан никогаш не ја нашол вистинската љубов преку Тиндер и му недостасувала вистинска поврзаност.

Но, сето тоа се сменило кога една вечер во бар во Лондон во октомври 2024 година, ја запознал Вики Батсфорд (43), менаџерка во сферата на финансии.

„Ме освои веднаш. Сè со неа беше лесно и природно“, вели Стефан.

Иако некогаш дневно добивал по 40 совпаѓања на Тиндер, вели дека со текот на времето сето тоа станало површно, а по неговата слава како „Мистер Тиндер“, контактите биле сè помалку автентични.

„Вики не знаеше кој сум кога се запознавме, што ми одговараше.

Таа е организирана, скромна и ме виде надвор од таа фасада на Мистер Тиндер.

Таа е совршената жена за мене – и сега сум целосно неодостапен за другите“.

Продолжува на следната страница...