Сингапурецот кој изгледа како 20-годишен дечко наполни 60 години – кои се неговите тајни за младоликост?

Детали

четврток, 05 март 2026

„Најзгодниот дедо, старее како виното“ - Со години сите се прашуваат како е можно овој Сингапурец да изгледа како 20-годишен дечко, а сега официјално наполни 60 години и позира како да е во цутот на младоста. Колку години би му дале вие? И кои се тајните за младешкиот изглед?

Сингапурскиот модел и фотограф, Чуандо Тан, кој веќе неколку години е интернет сензација заради својот младолик изглед, наполни 60 години.

Многумина не би поверувале во бројката и би го процениле како да е во своите 20-ти, максимум 30-ти години од животот.

Сега Чуандо, на својот Инстаграм профил објави роденденска фотосесија со балони со број 60, облечен во кул аутфит и напиша:

„Денес, на мојот 60-ти роденден, се потсетувам дека времето е нашето единствено реално богатство. Секое изгрејсонце ни е наследство, не гаранција.

Благодарен сум што стојам на Земјава. Помудриот пат сега е едноставен – враќање секојдневно кон природата и сончевата светлина и да се усогласувам со она што трае“.

Некои сметаат дека има направено естетски корекции, други дека лаже за возраста, а неговата тајна за младешки изглед лежи во генетика, но и соодветна здрава исхрана и начин на живот.

Тој консумира само здрава и генерално протеинска исхрана, пие многу вода, избегнува алкохол, се буди рано, практикува редовна физичка активност, а внимава и како се справува со стресот, односно пробува да го елиминира и редовно медитира.

„Никогаш не сум се чувствувал несигурно за возраста. Кога станав вирален на 51 година, сè ми остана исто. Едноставно уживав во животот како претходно.

Дури и кога старееш, мора да ја задржиш сексуалноста во себе. Не за другите, туку за себе“ – изјавил тој во една прилика за Vogue Man Singapore. 

Прочитајте ги и Тајните со кои Чуандо изгледа како 20-годишен дечко

Повеќе фотки од Чуандо:

М. М. | Црнобело