„Со бившиот сопруг освоиме 2 милиони евра на лото – заглавивме во долгови, ги плаќавме 10 години“

Со сопругот решиле да отворат спа-центар, но за ова извадиле кредит. Се контролирате со трошењето и единствениот луксуз бил тоа што ги запишале ќерките во приватно училиште. Но, почнале да вадат и други, поголеми кредити, па долгот само им растел.

„Не се расфрлавме со пари. Еднаш отидовме во Дубаи на десет дена, а потоа бевме во Њујорк и на Мајорка, но ништо раскошно.

Планирав да се вратам на работа, но останав бремена со второто дете. Па, решив да купам бизнис и да го работам тоа“.

Лара почнала и бизнис со препродавање ретки дизајнерски чанти, а купувале и недвижнина. Но, во 2010 година им изгорел домот и им требале девет месеци за да ја поправат штетата.

Штом завршиле со реновирањето, Роџер ја напуштил Лара.

„Парите од лотаријата ни создадоа многу проблеми во врската, кои можеби не би излегле на виделина толку брзо. Постојано се расправавме. Јас сакав да правам други работи со парите. Не сакав долгови.

Ми изгледаше како да ги имаме сите овие пари, но сè повеќе да се задолжуваме. Мислам дека не требаше да бидеме заедно. Штом добивме пари, разликите меѓу нас се истакнаа“.

Штом се разделиле, Лара сфатила дека сите пари од лотаријата се потрошени, но и дека нивниот долг бил навистина голем. Кога се соочила со Роџер, тој ја обвинил рецесијата и банкарската криза од тој период.

Роџер пробувал да се одбрани и на емисии во живо:

„Потрошивме можеби 250.000 фунти за забава. Другите пробавме да ги искористиме за неколку бизниси. Но, многу работи тргнаа на погрешно“.

Роџер пробал да инвестира дел од парите, но бидејќи и имало криза изгубил голем дел.

Па, на Лара ѝ останало да пробува да се спаси како знае.

„Пробував да водам салон за убавина, а немаше никаков приход. За среќа мајка ми ми помогна да го одржам салонот во живот и да продадам сè друго.

На крај, ги продадов сите мои работи и се сеќавам како седев во куќата и мислев дека не можам да живеам таму, бидејќи не можам да го платам кредитот“.

Постепено, Лара успеала да ги исплати долговите, а нашла и нов партнер со кого е среќна.

И покрај сите премрежја, Лара вели дека не жали за ништо во животот:

„Парите нема да ве направат среќни. Но, ви овозможуваат да правите работи што ќе ве направат посреќни. Не би променила ништо во мојот живот.

Мислам дека животот ми се промени поради парите, но не мислам дека ме променија како личност. Сега сум среќна и имам сè што ми треба“.

Спирова С. | Црнобело