Имала харем од 16 киднапирани момчиња, водела криминална банда - Која е најопасната Кинеска на сите времиња?

Детали

недела, 26 октомври 2025

Во младоста работела во даночната управа, но станала зависна од коцкање. Секоја вечер седела на масите за карти, па еден ден дошла на идеја дека коцкањето, кое ѝ носи толку многу задоволство, треба да го претвори во извор на приход и решила да отвори свое казино, но на црно. Која е сестра Си, жената која скоро 30 години предводела криминална банда?

Си Цајпинг, позната и како сестрата Си, се смета за најопасната жена во Кина, која водеше озлогласена банда, а нејзиното владеење траеше речиси 30 години

Кога станува збор за криминални шефови, првата асоцијација се мажи со мрачни лица и тежок карактер. Но, во темниот свет на кинескиот криминал, постојат исклучоци. Една од нив е Си Цајпинг, попозната како Сестра Си.

Со години, оваа жена одржувала контрола врз криминална империја и голема тријада, па стекнала репутација на опасен и моќен лидер.

Но, нејзиниот подем бил прекинато кога била уапсена, а судот во Чонгкинг ја осудил на 18 години затвор.

Која е сестра Си и како станала мафијашки шеф?

Си Цајпинг е родена во 1963 година во покраината Чонгкинг, Кина.

Во младоста работела во даночната управа, но станала зависна од коцкање. Секоја вечер до доцна во ноќта таа седела на масите за карти во градот, па еден ден дошла на идеја дека коцкањето кое ѝ носи толку многу задоволство, треба да го претвори во извор на приход.

Решила да отвори свое казино, а во прилог ѝ одело и тоа што имала моќни врски - таа била снаа на Вен Чијанг, поранешен началник на градската полиција, а подоцна началник на Општинскиот завод за правда на Чонгкинг.

А тој, не само што ѝ помогнал на својата снаа да го отвори првото подземно казино, туку подоцна станал и соучесник во нејзиниот криминален бизнис.

Кога сфатила дека профитот од казиното е десетпати поголем од нејзината плата во даночната служба, таа си дала отказ и се посветила целосно на нелегалниот бизнис со коцкање.

Самата си дала и име, сестра Си, по која почнале да ја препознаваат.

Нејзиниот пристап бил професионален, а поради искуството со финансиите, нејзината способност да гради блиски конекции со моќниците и нејзината способност да вработува „обезбедувачи“ ја направија една од најуспешните организатори на подземното коцкање во земјата.

За да ја осигури безбедноста на играчите и да ја одржи тајноста, воведе строги правила: влезница од 20.000 јуани, задолжителна верификација на идентитетот со помош на документи и пристап до казиното кој е возможен само со лична покана или препорака од постоечките клиенти.

За неколку години, таа контролираше над 80 казина низ Кина, заработувајќи десетици милиони јуани месечно, а едно од казината дури се наоѓаше преку улица од зградата на Високиот суд во Чонгкинг.

За неа работеа стотици гангстери.

Откако се збогати, сестра Си се пресели во луксузна вила, возеше спортски автомобили, носеше дизајнерска облека и често посетуваше елитни ресторани и клубови.

Нејзиниот брак, пак, се распадна зашто нејзиниот сопруг користеше наркотици, па нивната врска остана чисто деловна.

На 43 години сфатила дека моќта и парите не ѝ го даваат она што го сака - маж и интензивни емоции.

Кога запознала привлечен дечко во ноќен клуб и му понудила „специјална работа“ со дарежлива компензација.

Тој се согласил да добие стотици илјади јуани во готово, пристап до нејзината кредитна картичка, а за возврат да ја задоволува секоја вечер и да прави што ќе му каже.

И тој наскоро ѝ здодеал, па склучила сличен договор со второ момче, потоа трето, па четврто.

Бидејќи трошоците за овие нови мажи биле големи (на секој од нив му купувала скап накит, часовници, автомобили и облека), решила да го смени пристапот - им наредила на своите луѓе да ги киднапираат мажите што ги сака директно од клубовите и да ги носат во нејзината вила.

Наскоро, во нејзината вила имало 16 млади мажи, сите држени под строга контрола, да не можат да ја напуштат куќата, да не користат телефон или интернет.

Им било дозволено да се јават на семејства и да кажат дека заминале на скапо платена работа, па ги испраќале своите „заработки“ на своите семејства секој месец.

Иако условите не биле затворски, сепак не им било дозволено да ја напуштат куќата по неколку години.

Поради нејзината промискуитетност и дрскост, сестра Си почна да го привлекува вниманието на новинарите, а потоа и на полицијата, која почна подетално да ја испитува оваа жена.

Истрагата наскоро ја откри големата мрежа на нелегални казина, но не успеале да докажат дека мажите биле заробени во куќата - тие одбиле да сведочат против неа, плашејќи се дека ќе ги изгубат ветените пари.

Само еден пробал да ја каже вистината, но подоцна ја повлекол својата изјава, откако добил закани или сфатил дека нема да ги добие парите што ги заработил.

На судењето, сестра Си се изјаснила за виновна само за организирање криминална група и подземен бизнис со коцкање.

Судот ја осудил на 18 години затвор и парична казна од еден милион јуани во 2009 година.

Таа имала 50 години во времето на апсењето, а во тоа време нејзината криминална империја постоела речиси 30 години.

А. Ј. | Црнобело