„Се натпреварував во шоуто Squid Game – не знаевме дали е ден или ноќ, халуциниравме бидејќи не спиевме“

Детали

недела, 16 ноември 2025

„Како што почнаа игрите, почнав да плачам. Мислам дека оние кои не ги играле игрите не можат да разберат како е.Се чувствуваме како да се бориме за нашите животи“, вели девојка која учествуваше во реалното шоу Squid Game: The Challenge, инспирирано до хит-серијата.

Иако никој не би сакал да се најде во „Squid Game сценарио“, поради популарноста на серијата, Нетфликс сепак организира сличен натпревар во реалноста.

Секако, за разлика од серијата, во реалното шоу натпреварувачите не мора да умираат, но сепак чувствуваат дел од стресот на ликовите.

Во Squid Game: The Challenge учествуваат 432 натпреварувачи кои се борат за награда од дури 4,56 милиони долари.

Неодамна на Нетфликс почна да се емитува втората сезона од реалното шоу, а неколку натпреварувачи открија и како навистина изгледал на натпреварот.

Целото искуство го опишуваат како многу стресно, а некои велат дека е и една од најтешктие работи што ги направиле во животот.

Еден од натпреварувачите е Мајк Боу кој за Daily Mail споделува детали од натпреварот.

36-годишниот Британец решил да се пријави бидејќи со сопругата сами се грижат за нивната шестгодишна ќерка која е дете со посебни потреби.

„Се пријавив на шоуто за да освојам 4,56 милиони долари и да му помогнам на моето семејство. Но, не бев свесен колку тешко ќе биде.

Не знаевме колку е часот и не смеевме да излегуваме надвор, па не беше важно дали е ден или ноќ. Јадевме, спиевме и ги игравме игрите како што ни наредуваа стражарите.

Мислам дека помеѓу два дена имавме околу осум часа одмор“.

Мајк се пријавил откако видел реклама на Твитер. Откако бил избран како потенцијален учесник, открива дека со месеци му правеле детална проверка – од здравствена состојба, до содржината на неговите социјални мрежи.

„И еден ден, додека пазарев, добив повикот непознат број. Се јавив и ми кажаа дека ме примиле. Бев среќен, но не бев свесен за што се пријавив.

Мислев дека ќе биде како да играме детски игри. Но, ништо не беше игра. Беше многу сериозно и напнато“.

Тој почнал и да прави план за победа – на почетокот да се зближи со другите натпреварувачи, за лесно да наоѓа партнери за игрите, а потоа да ги предаде.

„Но, планот не ми функционираше бидејќи почнав вистински да се зближувам со другите играчи“.

Натпреварувачите ги играат главно истите игри како од серијата, па Мајк вели дека било добро што донекаде знаеле што можат да очекуваат.

Вели дека времето поминато во собата за спиење им помагало да се зближат едни со други, но дека овде условите не биле идеални.

„Игрите ни помогна да се зближиме. Но, забележав дека некои натпреварувачи постојно го менува друштвото, па ширеа и озборувања…

Храната ни беше гориво, но за некои од нас беше неподнослива. Сепак, морав да ја изедам целата. За појадок ни даваа овес, а за другите оброци имавме бел ориз без вкус и чудно приготвено јајце.

Иако имаше храна, немавме ужини, грицки и слично“.

Бидејќи поминале неколку денови во многу стресна околина, Мајк вели дека и по завршувањето на натпреварот, добивал повици од психолози за да му ја следат состојбата.

„Ме прашуваа дали можат да ми помогнат, ако се чувствувам лошо и слично. Уште добивам повици од психолози кои само сакаат да ме проверат.

Натпреварот не беше уживање. Ова беше една од најтешките работи што сум ги направил во животот“.

Други натпреварувачи велат дека иако не било прашање на живот или смрт, во некои моменти се чувствувале така.

„Како што почна игрите, почнав да плачам. Мислам дека оние кои не ги играле игрите не можат да разберат како е. Беше многу поинтензивно отколку што можете да замислите.

Игрите се едноставни, но се чувствувавме како да се бориме за нашите животи“, вели натпреварувачка.

Таа додава дека огромната парична награда создавала дополнителен притисок врз сите.

Друг натпреварувач дели дека многу луѓе не можеле да спијат и да јадат, што им ја отежнувало ситуацијата.

Не им давале ни доволно вода – имале само по едно шише дневно.

„Немавме часовници и не знаевме колку е часот. А јас, како и мнозинството играчи, спиевме многу малку.

Имаше моменти кога бев толку уморен, што халуцинирав, но морав да останам буден поради игрите.

За миг ќе ги затворен очите, но одеднаш морав да се разбудам бидејќи нè тераа да играме“.

Иако за некои е иронично што серијата, која е критика за нееднаквоста, се претвори во реално шоу каде луѓето се натпреваруваат за пари, Squid Game: The Challenge сепак е хит со милиони гледачи.

Спирова С. | Црнобело