Над 20 години ја држела како робинка за да ѝ го чисти домот: Детали за случајот што го згрози светот

„Аманда Виксон ѝ забранувала на жртвата да се бања, но ја терала да ги бања нејзините деца.

Ѝ давала на жртвата еден оброк дневно, најчесто остатоци, па жртвата честопати криела храна во случај да огладне.

Заканите за насилство биле придружени со висинско насилство бидејќи Аманда ја тепала жртвата ако не ги завршела обврските низ домот“, споделуваат надлежните.

На лицето имала лузни од рани, а имала и повреди на дланките и колената бидејќи бла присилена постојано да чисти.

Поранешен сосед на Аманда открил дека ја видел жртвата додека била мала, но тогаш не бил свесен што се случува. Притоа, оттогаш поминале десет години и не ни знаел дека таа уште е таму.

Друг сосед вели дека исто така ја имал видено жртвата и ја опишува како многу слаба девојка која била „коски и кожа“.

Истрагата на полицијата покажала дека кон крајот на 1990-тите, социјалните служби биле во контакт со Аманда и наводно го посетиле нејзиниот дом, но оттогаш нема запис дека презеле нешто друго.

Жртвата немала никакво медицинско досие и немала отидено на лекар повеќе од две децении.

„Останува фактот дека социјалните служби не презеле ништо. Недостатокот од медицински досиеја или каква било вклученост на социјалните служби повеќе 20 години покажува дека жената никогаш не ја напуштила куќата.

До крајот на 1990-тите, изгледа како жената да пропаднала во земја. Нема ниту една личност што ја видела надвор од куќата“.

Кога жената конечно била спасена, ја однеле на лекар, како и на заболекар кој изјавил дека низ годините, сигурно чувствувала огромна болка поради многуте расипани заби и инфекции за кои дотогаш не добила соодветна нега.

Како што споделуваат надлежните, Аманда била личност која требало да се грижи за жртвата, но наместо тоа, ја злоупотребила нејзината ранливост и сурово ја малтретирала.

За време на судењето, одбраната на Аманда тврдела дека таа воопшто не ја малтретирала жртвата и дека треба да одговара за запоставување, а не за модерно ропство.

Според одбраната, и другите деца на Аманда биле во лоша состојба и спиеле во валкани соби, а не само жртвата.

Сепак, на крај жената беше прогласена за виновна.

Што се однесува до жртвата, надлежните велат дека состојбата ѝ е драстично подобрена.

Спирова С. | Црнобело