„Најубавото девојче на светот“ се сврши во Атина – романтично запросување со прстен од 40.000 евра

Детали

вторник, 10 март 2026

Како малечка беше прогласена за најубаво девојче на светот, а денес е 24-годишна убавица, која момчето ја запроси во хотел во Грција, со прстен од речиси 40.000 евра: „Кажав да на најдобриот пријател“ – напиша Тилан Блондо.

Тилан Блондо се прослави уште како дете, со своето лице со уникатни црти, кога беше прогласена за најубаво девојче во светот.

Оттогаш таа си го носи епитетот и остана така запаметена, а и денес е прекрасна девојка која работи како модел.

Сега таа на Инстаграм откри дека за време на патувањето во Грција, партнерот ја запросил на романтичен начин.

Во дворот на луксузниот хотел во кој престојувале, Four Seasons Astir Palace, со прекрасен поглед на море, тој украсил маса со две столчиња со латици од рози во форма на срце.

Тилан објави повеќе фотографии на кои позира со саканиот и со свршеничкиот прстен, за кој експерти за Daily Mail проценуваат дека може да вреди околу 40.000 евра.

„Според фотографиите, дизајнот е многу модерен и минималистички, со едноставен 18-каратен обрач од жолто злато.

Елеганцијата на прстенот доаѓа од едноставноста, што го насочува вниманието веднаш кон дијамантот. Проценувам вредноста да е околу 45.000 долари.

Во последно време, многу ѕвезди носат овални камења на свршеничките прстени“ – изјавил експерт за накит и гемолог.

Повеќе фотки на Тилан од свршувачката:

Прочитајте и Сериозен проблем со здравјето, неколку операции: Што се случи со најубавото девојче во светот, Тилан Блондо?

М. М. | Црнобело