Трикатна зграда во близина на Валенсија се сруши како кула од карти - Дали ваква опасност демне насекаде? (видео)

Детали

среда, 15 јули 2026

Се гради неплански, се гради неквалитетно и тоа има последици, за среќа овојпат без човечки жртви. Дали ваква опасност демне и во Скопје и низ низа други градови во светот? Безбедни ли сме во нашите домови? Како сте задоволни од новите градби?

Трикатна зграда на улицата „Лас Америкас“ во Бенетусер, во близина на Валенсија, се урнала, без да има повредени, соопштија пожарникарите на Валенсија. Покрај нив на самото место пристигнала и полицијата.

Бенетусер е општина во покраината Валенсија, во источна Шпанија. Се наоѓа на околу 6 километри јужно од центарот на градот Валенсија.

Жителите претходно биле евакуирани од зградата откако биле забележани пукнатини и се слушале необични звуци од објектот, кој се наоѓал покрај празна парцела, соопштија пожарникарите преку својот профил на Твитер.

Од претпазливост, бил евакуиран и уште еден соседен објект, чија состојба морале да ја проценат општинските технички служби.

На местото на настанот пристигнале и градоначалничката на Бенетусер.

Една од главните насоки на истрагата е дали градежните работи на соседната парцела можеле да придонесат за нарушување на стабилноста на објектот. Некои жители тврдат дека ископувањата покрај зградата можеби го предизвикале уривањето, но властите сѐ уште не ја потврдиле оваа верзија.

Властите објавија дека внимателно ја следат ситуацијата.

Дали непланското и неквалитетно градење е прашање на време кога ќе има вакви последици и на други места низ светот?

С. С. | Црнобело