Детали за врската на српската премиерка Ана Брнабиќ и партнерката со која доби син (фото)

Детали

четврток, 21 февруари 2019

Русокосата убава докторка и премиерката на Србија се во врска околу 10 години, а дури и BBC се огласи по повод раѓањето на нивниот син.

Премиерката на Србија, Ана Брнабиќ (43) и нејзината партнерка Милица Ѓурѓиќ станаа родители. Милица роди здраво момче, кое го доби името Игор. Породувањето минало во најдобар ред.

Сите светски медиуми ја пренесоа веста за првата жена премиер во Србија, но и првата хомосексуална личност во историјата на Србија која е на местото премиер. Потсетуваат дека ова е навистина неочекувано во земја во која правата на припадниците на хомосексуалната заедница на се признаени, ниту пак истополовите бракови.

Странските медиуми додаваат дека Србија ги нема признаено истополовите бракови, но дека можно е наскоро да ги озаконат како чекор за приближување кон членство во Европската Унија.

BBC го оцени српското општество како конзервативно и потсети дека на истополoвите парови им е забрането посвојување, додека на самците тоа им е дозволено без разлика на сексуалната ориентација.

На својот Твитер профил српската премиерка само напиша дека ја одложува нејзината посета на Брисел, а причината веќе е јасна, па многумина ѝ упатија честитки на објавата.

Брбнариќ е многу мистериозна околу нејзиниот приватен живот, а јавноста за нејзината врска со Милица дозна есента 2017 година, додека за бременоста на Милица пред само неколку седмици. Гласините се дека тие се заедно веќе 10 години, откако наводно се запознале преку заеднички пријател.

Милица е докторка во радиолошкото одделение на Клиничкиот центар Србија, а со својата убавина русокосата ја освои јавноста.

Инаку, Ана и Милица често присуствуваат заедно на јавни настани како концерти и отворање на изложби.

Фотки од парот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело