Бет Хармон од реалноста – Која е Александра Ботез, шахистката што почнала да игра на 6 години?

Детали

понеделник, 21 декември 2020

Александра Ботез е шахистка со 215.000 следбеници на Инстаграм, која почнала да игра шах на 6 години благодарение на татко ѝ, а фановите ја нарекуваат Бет Хармон од реалноста, по главната улога во хит серијата The Queen’s Gambit, иако нема големи сличности со неа.

Серијата The Queen’s Gambit која ја следи приказната за животот на шахистката Бет Хармон, стана хит за многу кратко време откако беше објавена, а шахот повторно ја доби својата популарност благодарение на оваа серија.

Сепак, приказната не е инспирирана од реален лик, па сега многумина ја поистоветуваат Александра Ботез, како Бет Хармон од реалноста.

Александра е по потекло од Романија, каде постои голема шаховска култура, а нејзините родители мигрирале во Канада, каде што таа пораснала. Сега таа живее во Тексас.

Почнала да игра шах кога имала 6 години, благодарение на нејзиниот татко, кој се кладел со нејзината мајка, дека по само 2 недели учење, таа ќе успее да ја победи мајка си.

Кога Александра ја победила нејзината мајка во шах, нејзиниот татко продолжил да ја тренира за натпреварувања, а две години подоцна учествувала во националното првенство, каде го освоила првото место.

Оттогаш, младата шахистка има освоено 6 национални првенства во категорија женски на нејзина возраст.

Слично како и хероината од омилената серија, така и Александра била опседната со шахот и целосно се фокусирала на оваа игра и на нејзините тренинзи.

Кога се запишала во средно училиште, таа почнала почесто да патува за натпреварувања во шах, се дружела со луѓе што постојано играат шах и тоа бил нејзиниот цел свет.

Александра честопати се соочува и со сексистички коментари, за светските медиуми изјавува дека луѓето многупати мислат дека играта ќе биде лесна затоа што противникот е од женски пол, а во таквите ситуации се труди да не дозволи овие зборови да си поиграат со нејзините мисли.

Иако Бет во серијата постигнува многу поголеми успеси на светско ниво, сепак фановите на Александра сакаат да ја споредуваат со омилената хероина од хит серијата. 

Фотки од Александра Ботез:

М. М. | Црнобело