„Парите не ми се за тоа што мислите“ – со 189 милијарди, Илон Маск стана најбогатиот човек на планетата

Детали

петок, 08 јануари 2021

„Треба да прашувате зошто сакам пари. Причината не е тоа што мислите. Имам многу малку време за рекреација. Немам викендички или јахти или нешто слично.“ - Илон Маск го помина Џеф Безос и за кратко време стигна на врвот на листата на најбогати луѓе на планетата, а открива на што ќе го потроши богатството, проценето на 189 милијарди долари.

Џеф Безос, основачот на Amazon, беше најбогатиот човек во светот од 2017-та, но неделава вредноста на Tesla, компанијата на Илон Маск, стигна до 700 милијарди долари, со тоа ставајќи го Маск на првото место. Според светските медиуми, сега Tesla вреди повеќе од Toyota, Volkswagen, Hyundai, GM и Ford заедно.

Илон имаше и навистина интересна реакција на Twitter кога се расчу веста. Прво милијардерот напиша „Колку чудно“, а веднаш потоа објави твит кој гласи: „Па, назад на работа“.

Well, back to work …

— Elon Musk (@elonmusk) January 7, 2021

Претходно Илон има споделено како планира да го троши богатството:

„Треба да прашувате зошто сакам пари. Причината не е тоа што мислите. Имам многу малку време за рекреација. Немам викендички или јахти или нешто слично.

Околу половина од моите пари ќе ги искористам за да ги решам проблемите на Земјата, а другата половина за да направам град на Марс, со цел да се продолжи животот (на сите видови) во случај Земјата да биде удрена од метеор или ако почне Трета светска војна и самите се уништиме“.

About half my money is intended to help problems on Earth & half to help establish a self-sustaining city on Mars to ensure continuation of life (of all species) in case Earth gets hit by a meteor like the dinosaurs or WW3 happens & we destroy ourselves

— Elon Musk (@elonmusk) October 12, 2018

За разлика од Безос кој неретко е критикуван дека само алчно го „трупа“ богатството, изгледа Илон навистина се обидува да направи позитивна промена во светот.

„Само да знаете, конструктивните критики се секогаш ценети, како и донирањето пари за работи што навистина можат да направат промена“, напиша тој на Твитер.

Btw, critical feedback is always super appreciated, as well as ways to donate money that really make a difference (way harder than it seems)

— Elon Musk (@elonmusk) January 8, 2021

Потоа милијардерот додаде и дека ова донирање некогаш е многу потешко отколку што изгледа.

Денес Илон има околу 189 милијарди долари, а на почетокот на 2020-та беше 35-иот најбогат човек. Ова значи дека за само 12 месеци, тој успеа да се искачи на врвот. Илон поседува 20% од акциите на Tesla, a e сопственик и на SpaceX – компанијата која соработува со НАСА и веќе направи ракета со која беа лансирани астронаути на Меѓународната вселенска станица.

Спирова С. | Црнобело