Потрошил 35.000 евра за да изгледа како во живо да има Инстаграм филтер на лицето (фото)

Детали

понеделник, 22 март 2021

Леви Џер Марфи потрошил речиси 35.000 евра на козметички корекции и процедури, со цел во живо да изгледа исто како и со Инстаграм ефектите - очекувано, мислењата се поделени и неговата желба за внимание не помина без осудувања.

Првата корекција, зголемувањето на усните, ја направил на само 19 години и оттогаш нема престанато со операции.

Освен усни, ставил филери и во образите, брадата и под очите. Имал зафати на носот, направил и „мачкини очи“ и ги преправил забите.

„Сакам да привлекувам внимание, дури и со своите операции. Своето опоравување го емитирам преку социјалните мрежи како би свртел внимание кон себе,“ е неговиот коментар.

Леви раскажува како еднаш наишол на Инстаграм филтер во кој толку се заљубил, што одлучил дека сака 24/7 да изгледа како со него.

Очекувано, добива и осудување и критики околу неговиот изглед, примерот кој го дава, како и (не)правилното трошење на парите.

Погледнете и проценете сами:

М. Д. | Црнобело