„На 50 години добив бебе со сперма од донор во Грција – сите ме осудија, но јас сакав да станам мајка“

Детали

четврток, 03 ноември 2022

„Моментално уживам во улогата на мајка. Сметам дека токму сега сум најдобрата мајка која можам да бидам на мојата Лајла. Но, моето семејство се противеше кога се подготвував да отпатувам за Атина на асистирано оплодување...“, споделува Кели Кларк (52) од Англија, која 23 години работела како стјуардеса и постојано го одложувала мајчинството.

Кели Кларк (52) од Англија останала бремена со помош на асистирано оплодување во клиника во Атина со помош на сперма од донор.

Тоа се случило кога имала 50 години, а сега таа е горда мајка на својата ќерка Лајла Рае, која ја расте сама.

Кели, која е тренер по пливање, вели дека на таа возраст почувствувала дека е вистинското време за да стане мајка. Вели дека ѝ здодеало од забави и се чувствувала подготвена за ново поглавје од животот.

Нејзиното семејство било загрижено поради нејзината возраст и сметале дека е стара за да стане мајка, а ги загрижувало и тоа што спермата ќе биде од непознат донор.

Но, Кели се одлучила да го направи потегот и во март 2021 година ја родила својата наследничка, за која вели дека е совршена и дека не би можела да си посака ништо повеќе од тоа.

Кели вели: „Не знаев колку длабоко вљубена ќе бидам во мојата ќерка. Мојот живот е добар и моментално уживам во улогата на мајка. Сметам дека токму сега сум најдобрата мајка која можам да бидам на мојата Лајла.

Моето семејство се противеше и ме осудуваше за тоа што сакам да станам самохрана мајка на 50 години, знаев дека се загрижени за мене, но и знаев дека ја правам најдобрата можна работа.

Сега, кога Лајла е тука тие ми се огромна поддршка и не би знаела што да правам без нив.“

Кели работела како стјуардеса 23 години и иако вели дека отсекогаш сакала да има семејство, некако никогаш не било вистинско време додека водела „живот на небото“.

„Сега повеќе не сакам да патувам и да се забавувам, сега сакам секоја минута да ја гледам Лајла како расте.“

Таа додава дека не смета дека задоцнила со тоа да стане мајка, иако нејзините пријателки родиле многу помлади, и смета дека на оваа возраст имала многу подобра подготвка како да биде добра мајка.

С. С. | Црнобело