„Моите две деца се 25 години разлика, на роденденот на првото го родив второто – животот е чудо“

Детали

среда, 21 декември 2022

„Уште не можам да поверувам дека добив дете повторно и тоа по цели 25 години“, вели Муна Флиндерс (44) од Велика Британија која роди ќерка на роденденот на 25-годишниот син.

Муна Флиндерс (44) е учителка од Велика Британија, која со својот сопруг Марк (39) неодамна ја доби ќерката Сторм. Од претходна врска таа го има синот Кај.

Првото дете го родила на само 19 години, а второто дете на 44 години.

Нејзиниот син Кај има 25 години, а нејзината ќерка Сторм само 4 месеци. Флиндерс за да добие второ дете дала илјадници долари на асистирано оплодување, но никогаш не се откажала од сонот.

„Уште не можам да поверувам дека добив дете повторно и тоа по цели 25 години“, вели таа.

Флиндерс вели дека била ученичка со добри оценки и никој не очекувал дека ќе забремени уште во младоста, но се случило со нејзиното тогашно момче. Била преплашена, но одлучила да го задржи бебето.

Вели дека се породила на само 19 години и почнале да живеат заедно со нејзиното момче, но до нејзиниот 21-ви роденден одлучиле дека е подобро да бидат само пријатели и заедно да се грижат за детето.

Потоа, Флиндерс воопшто не барала љубов, но ситуацијата се променила кога се запознала со Марк, нејзиниот сегашен партнер, во 2011 година.

Брзо се вљубиле, се венчале во 2013 година и оттогаш се обидувале да добијат потомство.

Прво по природен пат, па правеле испитувања, но никаков проблем не бил дијагностициран. Сепак, поради нејзината возраст започнале со асистирано оплодување, но таа трипати доживеала спонтан абортус.

Потоа се одлучиле повторно за процедурата и таа забременила пак на 43 години, но не се надевала многу овојпат.

Сепак, на 44 години добила ќерка и тоа токму на роденденот на нејзиното прво дете. Сторм се родила на роденденот на Кај, но 25 години подоцна, односно на 5-ти август 2022 година. Кај е роден на 5 август 1997 година.

„Секој ден ја гледам Сторм и си велам дека таа ми е неверојатен подарок, а најсреќна сум кога нејзиниот 25-годишен брат ја држи во прегратка и се грижи за неа.“

Кај и Сторм

Повеќе фотографии од Флиндерс со семејството:

С. С. | Црнобело