HTC и Microsoft ги претставуваат првите брендирани Windows телефони

Новите Windows телефони 8X и 8S од HTC ќе бидат достапни преку повеќе од 150 мобилни оператори во светот.

HTC, глобалниот лидер во мобилни иновации и дизајн, и Microsoft ги претставија првите брендирани Windows телефони, сензационалните Windows^® Phone 8X и 8S од HTC^®. Овие смартфони доаѓаат со новиот оперативен систем Windows Phone 8 и имаат впечатлив дизајн, звук со студиски квалитет со Beats Audio™ и извонредни можности на камерата.

„Соединувањето на новите прекрасни Windows Phone 8X и 8S од HTC со нашиот бренд е крупен момент за двете компании,“ изјави Steve Ballmer, главен извршен директор на Microsoft. „Заедно им нудиме на корисниците јасен избор и навистина единствено искуство. Возбуден сум што нашето долгогодишно партнерство го носиме на повисоко ниво.“

„Windows Phone 8 нè инспирираше да креираме нови смартфони кои на платформата ѝ ги даваат впечатливиот дизајн и идентитетот што го заслужува,“, изјави Peter Chou, главен извршен директор на корпорацијата HTC. „Windows Phone јасно се издвои како еден од врвните мобилни екосистеми и е компетитивен со секоја смартфон платформа во светот. “

Впечатлив дизајн

Како единствен телефон со Live Tiles, Windows Phone има јасна, диференцирана визија, а корисничкото искуство е широко прифатено како револуционерно, иновативно и свежо. HTC ги создаде Windows Phone 8X и 8S за да ги спои виртуелното и физичкото, користејќи тридимензионален, чист uni-body дизајн базиран на Windows Phone Live Tiles. Windows Phone 8X и 8S од HTC се совршено обликувани со драматично витка контура што ги прави магично тенки в рака. 

Бидејќи бојата е неразделив дел од искуството на Windows Phone, HTC ги донесува овие уреди во храбри, софистицирани и смели бои во премиум мат финиш. Windows Phone 8X ќе се испорачува во низа бои, вклучувајќи калифорниско сина, графитно црна, пламено црвена и лимета жолта. Windows Phone 8S од HTC ќе биде достапен во домино, фиеста црвена, атлантско сина и солитер сива.

Сликај го и сподели го твојот свет

HTC за првпат воведува бленда со 2,1mp и f/2,0, со ултраширок агол од 88° на предната камера што дозволува наеднаш да се фатат четири луѓе и повеќе. Исто така, поддржува видео запис од 1080p. Задната камера содржи CMOS сензор со 8mp и со задно осветлување (BSI) за подобрување на перформансите при слаба осветленост, како и бленда со f/2,0, 28-милиметарски леќи и посебен чип за сликање. Механичкото копче дозволува брзо и лесно снимање на спонтани дејствија, дури и кога е телефонот заклучен.

Спектакуларен звук со Beats Audio

Единствено достапен на смартфоните од HTC, Beats Audio нуди автентичен звук со студиски квалитет којшто го доловува духот на оригиналната снимка. Windows Phone 8X од HTC со Beats Audio нуди и уникатен аудио засилувач што ги напојува 3,5-милиметарскиот аудио џек и звучникот, подобрувајќи го аудио сигналот за уште посовршен звук, независно дали слушате музика, играте игра или гледате видео.

Брилијантен дисплеј

Windows Phone 8X од HTC содржи прекрасен 4,3-инчен супер-LCD 2 екран со HD-резолуција, заштитен од секојдневните потреси и гребнатинки со лесното стакло Gorilla^® Glass 2, додека оптичката повеќеслојност ги намалува рефлексијата и отсјајот, за да можете да го видите секој детаљ. Windows Phone 8X од HTC може да се пофали со јасниот супер LCD 4-инчен екран со Gorilla^® Glass, којшто им овозможува на корисниците да ги гледаат Windows Phone Live Tiles и секоја порака и фотографија со кристална јаснотија и блескава боја.

Забава

Со Windows Phone 8X и 8S од HTC, секој може да си ги носи со себе омилените филмови, фотографии и музика каде и да оди. Со Windows Phone Store и Xbox Live, полесно е од кога и да е да уживате во најновите видеа, музика и игри додека сте во движење.

Достапност

Во Македонија, ќе бидат достапни кон крајот на ноември.