Го чувате во раце или во заден џеб: Како несвесно си го уништувате телефонот?

Мора да се признае, дека голем број луѓе не внимаваат доволно кога се во прашање телефоните.

Кога ќе купите нов мобилен телефон, веројатно се тресете за секоја ситница, но потоа веќе почнувате да ги гледате нормално работите и телефонот да ви служи за сè и сешто.

Па така, некои секојдневни ситници кои мислите дека не пречат, може да го уништат телефонот и да му го намалат „животниот век“.

Но, ако сакате подолго да ве служат, ќе мора да престанете да правите некои работи.

Навики од кои треба да се откажете:

Практикување секакви трикови од непроверени туторијали

Не верувајте на сите видеа и трикови кои ќе ги видите на интернет, бидејќи не сите се вистински и може да го уништат телефонот наместо да бидат корисни.

Оставање покрај прозорец или на маса каде може да се загрее

Сончевата светлина може да го прегрее телефонот дури и преку прозорец, а тоа дури и ако не влијае визуелно, внатрешно му штети на телефонот, па избегнувајте да го оставате директно на топлина.

Невнимателно ставање полнач

Колку пати се случило пред спиење во темница без да гледате да се обидувате да го ставите телефонот на полнење и неколкупати да се помачите додека да го погодите отворот и да употребите сила? И со тоа го уништувате телефонот.

Одбивање да го обновите софтверот кога самиот телефон го бара тоа

Одбивањето на апдејти на телефонот може да влијае лошо на неговата работа и функција, па добро е кога ќе стигне таква нотификација, да не ја игнорирате.

Не чистење на внатрешноста на телефонот

Не заборавајте дека телефонот треба да се чисти и однатре бидејќи во малечките делови се собираат многу прашина и ѓубре кои може да ја попречат работата на телефонот.

Држење на телефонот во раце по улица

Огромен број од кражбите на мобилни телефони се случиле додека сопствениците ги држеле во рака додека шетаат по улица, па иако ова не го оштетува директно телефонот, сепак е навика која може да направи да останете без него.

Заменување на оригиналната батерија со евтина копија

Батеријата е „срцето“ на телефонот, па треба внимателно да бирате кога треба да ја замените, а и да проверувате дали е истата кога ќе си го земете телефонот од поправка.

Чување во заден џеб

Иако звучи чудно, сепак е веројатно и докажано е дека некои тенки смартфони може да се свиткаат, посебно ако ги чувате во заден џеб, а исто така, оваа навика предизвикува полесно да биде украден.

М. М. | Црнобело