Футуристички технологии што веќе се реалност (или можеме да ги очекуваме наскоро)

Продавници без продавачи

Зарем може да постои свет без огромна редица пред каса во маркет? Изгледа и тоа е возможно.

Продавниците на Amazon Go им овозможуваат на луѓето да купуваат без да чекаат ред на каса. Едноставно, тие земаат што им треба, си одат, а потоа добиваат сметка на апликацијата Amazon Go.

Ова веројатно ќе им ја отежни работата на крадците.

Виртуелна реалност

Благодарение на очилата за виртуелна реалност, како оние на Oculus Go, ќе можете да го прошетате светот без да мрднете од дома.

Овие направи нудат хипер-реалистично искуство во виртуелниот свет. Корисниците можат целосно да „влезат“ во она што го гледаат.

Но овие направи не се само за забава. Тие можат да им помогнат на хирурзите да вежбаат, на војниците да се подготват за опасни ситуации и слично.

Секс роботи

Знаевте ли дека денес можете да си купите и секс робот, по цена од околу 4.500 долари? Според Robot Companion, компанијата што ги продава роботите, тие ги споиле најдобрите одлики на женските тело и ум за да ви приредат неверојатно искуство.

Интересно е што овие роботи имаат и свој систем на греење, кој им помага да достигнат температура од околу 37 степени.

Изгледа ни сексот нема да остане тоа што беше.

Паметни фрижидери

Ако пред 10-тина години некој ви кажел дека ќе можете да си разговарате со фрижидерот, веројатно би помислиле дека е луд.

Но денес сè во домот, вклучувајќи и фрижидерите, може да се поврзе со интернет.

Денес постојат фрижидери на кои можете да им ја изрецитирате вашата шопинг листа. Некои модели имаат и внатрешни камери со кои можете да видите што има во нив, а можете да наместите и потсетник за рокот на траење на вашите продукти.

Виртуелни пари

Биткоинот, но и другите криптовалути, веќе се користат наголемо.

Криптовалутите се вид платежно средство кое може да се разменува онлајн за добра и услуги. Многумина веруваат дека токму криптовалутите се валута на иднината. Проблемот е што моментално, нивната вредност не е воопшто стабилна.

Летачки автомобили

Наводно, Porsche и Boeing ги здружиле силите за да направат летачки автомобил. Се очекува ова возило да се појави на пазарот околу 2025-та година.

Најверојатно, возилото ќе чини 1,3 милиони долари.

Спирова С. | Црнобело