Huawei P40 Pro се најде на врвот на листите на DXOMARK со импресивен ранг за камерата

Неодамна беше претставена P40 серијата на Huawei, која доаѓа со врвен дизајн и иновации на камерите, а според најновото рангирање на DXOMARK, Huawei P40 Pro се најде на врвот на листата.

Предводникот на серијата P40 – Huawei P40 Pro е новиот „крал“ на DxO рангирањата, благодарение на извонредната камера за која ги доби највисоките оцени.

HUAWEI P40 Pro може да ги зумира далечните објекти со 5x оптички зум, 10x хибриден зум и 50x дигитален зум. За првпат досега, 5x Optical Telephoto Camera на HUAWEI P40 Pro вклучува низа на филтер за боја RYYB за зајакнување на внесот на светлина и подобрување на квалитетот на зумираните снимки.

Главната камера на Huawei P40 Pro доби вкупно 128 поени (140 за слика и 105 за видео) и со тоа постигна импресивен резултат во DXOMARK рангирањето на камера, оставајќи ги дури и најдобрите конкуренти зад себе.

Фото: dxomark

Според рецензијата, камерата е идеална за правење фотографии во секакви услови и со секакви предизвикувачки сцени. Импресионирани се од зумот, ниското ниво на noise, како и од квалитетот на сликата на ултра-широката камера.

Фото: dxomark

Bokeh режимот исто така оставил одличен впечаток со беспрекорно прикажување на деталите. Системот за автоматскиот фокус на телефонот е еден од најдобрите што досега ги тестирале во лабораторија за тестирање и во реални услови.

Фото: dxomark

Покрај режимот за фотографирање, фасцинантен впечаток оставиле и видео снимките, со импресивниот систем за стабилизирање, светлите бои во секакви услови, брзиот автоматски фокус и добрата текстура.

Истовремено, селфи-камерата е исто така достојна за целосниот иновативен пакет, односно двојна камера од 32MP, со што се гарантира природен ефект на вашиот автопортрет, како и можност за снимање дури и 4K селфи видео. Токму тоа придонесе за рекордни 103 поени од DxO.

Фото: dxomark

Селфи камерата добила одлични резултати на рангирањето речиси во сите категории. Мирни и стабилни селфи фотографии со одличен фокус, а посебно импресивни се селфи фотографиите со овозможен Bokeh ефект, што е подобар од сите останати кои дотогаш биле тестирани.

Фото: dxomark