Рестартирање без причина и уште 6 знаци дека можеби е време да купите нов смартфон

Телефонот се рестартира сам

Ова може да се случува и ако сте мета на хакерски напад, но ако направите скенирање и не најдете ништо, тогаш причината за „самоволното“ рестартирање на телефонот е тоа што е многу стар.

Оперативниот систем е многу стар

Ако го имате телефонот повеќе од 4 години, најверојатно на него не можете да ја инсталирате последната верзија од софтверот на Android, iOS или што и да користите. Обично причината е што вашиот уред е „послаб“ и нема да може да ги поддржи најновите надградби.

Застарениот оперативен систем не значи дека телефонот е расипан, но ако имате многу стар оперативен систем, вашиот телефон станува поподложен на секакви хакерски напади. Сепак, да не одиме во крајности, да се држиме до практичната причина - едноставно телефонот нема да ви е доволно функционален.

Камерата прави ужасни слики

Факт е дека камерата е една од најупотребуваните алатки од смартфоните, па денес лесно ќе најдете и евтини модели со многу добра камера.

Се разбира, ако камерата не ви е важна и генерално телефонот е во ред, нема потреба да го заменувате. Но, ако сакате да правите добри фотографии, треба да набавите нов смартфон.

Хардверот на телефонот е оштетен

Сите можеме да издржиме со смартфон со скршен екран, под услов да функционира. Но, ако телефонот претрпел и друга штета на хардверот, тоа ќе има влијание врз неговиот перформанс.

И овој случај најчесто е поисплатливо да купите нов телефон, отколку да плаќате за делови и поправка.

Спирова С. | Црнобело