Начинот на кој стоите додека зборувате ви го открива мислењето за соговорникот

Говорот на телото е невербален начин на комуникација кој лесно го открива нашето мислење, расположение и карактер, без да кажеме ниту збор.

Почнувајќи од нашиот став, до нашите гестови, несвесно го откриваме мислењето за соговорникот кој стои пред нас.

Па, како стоите додека зборувате со пријателите, а како со колегите или надредените?

Паралелен став

Оваа положба е типична за луѓето кои очекуваат некој вид на команда. Иако делува како неутрален став, најчесто паралелното стоење со раширени нозе значи пријателски пристап, додека затворените нозе симболизираат несигурна и срамежлива личност.

Ваквиот став го имаат војниците пред командирот, учениците пред учителот, што значи дека соговорникот го гледаат со авторитет.

Раширени нозе

Оваа положба укажува на поголема потреба за личен простор и истакнување. Со ваквото стоење се покажува надмоќ, особено во ситуациите кога луѓето мора да останат силни и сигурни.

Ваквиот став многу често го имаат и луѓето кои се чувствуваат загрозено од соговорникот од било која причина.

Стапало вперено нанапред

Ставот кој се карактеризира со префрлање на тежината од една на друга нога дава слика на опуштен човек кој е задоволен и самоувверен додека зборува. Овој став луѓето најчесто го користат со соговорници кои се чувствуваат пријатно и се сложуваат со нивното мислење.

Ако стапалото е вперено кон соговорникот, значи дека разговорот тече одлично, но ако стапалото е насочено на страна од соговорникот, значи дека едвај чека да побегне.

Прекрстени нозе

Типично за овој став е дека луѓето кои го користат имаат одбранбен механизам и не сакаат соговорникот да навлегува во нивниот личен простор.

Ставот укажува и на тоа дека соговорникот не оди никаде додека не ве убеди во она што го кажува.

М. Д. | Црнобело