Три детективски загатки што ќе ги решат само најдосетливите

Зарем има личност која не ужива во детективските приказни? Кога ќе земете предвид колку се популарни делата на Агата Кристи и Артур Конан Дојл, станува јасно дека во секој од нас се крие детектив.

tri-detektivski-zagatki-shto-kje-ig-reshat-samo-najdosetlivite-01.jpg

А, сега имате одлична можност да ги тестирате вашите детективски способности.

Вo продолжение се три загатки, а вашата задача е да откриете како детективот сфатил кој е убиецот.

Три детективски загатки што ќе ги решат само најдосетливите

1. Еден милионер бил убиен во својот дом, со куршум во челото. Детективот разговарал со неговите тројца синови – Андреј, Стефан и Петар. Стефан рекол дека таа вечер, тој, Андреј и татко им биле на свечен настан. Кога се вратиле, седеле во дневната, а кога татко им тргнал да се качува по скалите, во дневната влегол Петар и го застрелал. Андреј ја потврдил приказната. Петар, пак, рекол дека бил на вечера кај пријател, а кога се вратил дома, татко им веќе бил мртов. Детективот веднаш знаел кој лаже. Како сфатил кој е убиецот?
Одговор
Андреј и Стефан лажеле. Ако Петар го убил татко им кога почнувал да се качува по скалите, тогаш ќе го застрелал во грб. Бидејќи таткото се движел нагоре, Петар не би можел да го застрела во челото.
2. Еден детектив разговарал со лекар, кога во болницата влегол избезумен маж, викајќи: „Некој ја застрела жена ми!“ Кога детективот го прашал што се случило, мажот рекол дека бил на работа и тогаш му се јавила домашната помошничка, која му кажала дека нешто ѝ се случило жена му, па сега била на интензивна нега. Мажот веднаш се упатил кон болницата. Кога завршил со приказната, детективот го уапсил за обид за убиство. Како знаел дека тој е виновникот?
Одговор
Мажот не би требало да знае дека неговата сопруга е застрелана – помошничката само му кажала дека се случило нешто страшно, а не дека е застрелана. Ако навистина е невин, не би знаел што се случило со жена му.
3. Едно утро детективот се расправал со жена му и излегол од дома. Кога се вратил, во куќата ги начекал жена му, полиција и убиен маж. Жена му рекла дека седела во дневната, кога некој заѕвонил на вратата. Мислела дека е сопругот, па веднаш отворила. Но, на вратата стоел маж кој ја турнал, па таа го прободела со нож. Детективот веднаш им наредил на полицајците да ја уапсат жена му, бидејќи планирала да го убие. Како детективот сфатил дека сопругата сака да го убие?
Одговор
Иако жената мислела дека на вратата е нејзиниот сопруг, таа сепак отворила со нож во рака. Ако седела во дневната, најверојатно немала нож при рака што можела да го искористи во тој момент, што значи дека го планирала убиството.