Горделиви, страсни и драматични - ова е вашиот месец жени Лавици

Сте се запрашале ли некогаш какви се жените родени во хороскопскиот знак Лав? Добродушни, театрални, многу привлечни и храбри. Тие се страсни, тврдоглави, упорни, љубезни, лојални и чесни.

Во нив тлее нескротлив темперамент полн живост, тие се горди. На кратко вака ќе ги препознаете жените-Лавици.

Лесно ќе ги забележите во толпата – имаат најубава насмевка, се смеат гласно и се движат мошне самоуверено.

Со овој хороскопски знак доминира Сонцето, односно центарот на универзумот, па не е никакво чудо тоа што Лавот сака да биде во центарот на вниманието, а тоа лесно и му успева.

Кога е потребно, ќе ги покажат своите канџи и ќе се бранат, а кога жената Лав е лута, најдобро ќе ја смирите доколку ѝ понудите подарок или ѝ дадете неколку комплименти.

Тие се авантуристички настроени, се истакнуваат со силен дух кој сака да победи и благодарение на сопствената интелигенција, имагинација и креативност, животот на Лавиците е исполнет со многу победи.

Сексот и врските

Лавиците се прилично независни и поседуваат магнетска и моќна индивидуалност. Тие бараат некој кој ги поседува скоро истите квалитети како нив.

Не бараат партнер кој ќе се грижи за нив, туку човек кој е самоуверен, живее со полна пареа и може да им овозможи сè доколку тоа им е потребно.

Сакаат забава, сакаат живот исполнет со динамика. Не поднесуваат рутина и постојано се во потрага по начини да се смешни нешто што ќе им го направи животот повозбудлив и подраматичен.

Сексот им е многу важен на Лавиците. Тој воедно е најдобриот начин со кој партнерот ќе ѝ покаже колку ја посакува и колку е пожелна. Лавиците сакаат убава секси долна облека, како и преземање на иницијативата во спалната соба.

За Лавиците не постојат табуа во сексот. Тие сакаат да испробаат сè, а подеднакво важно им е задоволството на партнерот, како и сопственото задоволство. Деловите од телото коишто доминираат кај Лавиците се ’рбетот, грбот и срцето, па најлесно е да ги заведете со сензуални милувања по грбот.

Во љубовта, најмногу се пронаоѓаат на иста бранова должина со Близнаци, Стрелци и Ваги.

Пријателство

Благодарение на нивната топлина, магичната енергија, ентузијазмот и храброста која ја поседуваат, жените Лавици успеваат да привлечат многу луѓе кон себе.

Нивните пријатели се најчесто еден вид на „обожаватели“, луѓе кои им се воодушевуваат. Дарежливи се по природа и сакаат да се дружат со многу луѓе.

Секогаш се покрај пријателите и би им простиле многу грешки, освен предавство.

Надворешен изглед

Лавиците генерално имаат густа и сјајна коса со која се гордеат, слично како и Лавот во природата. Имаат експресивни карактерни црти на лицето. Се одликуваат со големи и топли очи, сјаен поглед, високо чело, напрчен нос и мали уши.

Лавиците најчесто имаат тенки, прави и долги нозе, истакнат долг струк, цврста мускулатура и еден вид на кралско држење.

Не можете да не ги забележите, дејствуваат видливо, гордо, но на мошне избалансиран начин. Сакаат скап и квалитетен накит како и модни додатоци, а најчесто се облекуваат во жолта и портокалова боја.

Стил

Како што веќе споменавме, Лавиците сакаат да се облекуваат во жолто и портокалово, но она што ги катапултира во центарот на вниманието е златната боја. Таа е олицетворение на сè она што го сака и претставува Лавот–топлина, луксуз, театралност, исклучителност и восхит.

Лавиците избираат модни додатоци од најдобар квалитет, сакаат раскошни парчиња и за нив зборот конформизам е забранет. Со еден збор – сакаат работи кои ги нема никој друг.

Успешно ги „филуваат“ и најнеобичните и најдраматичните модни трендови, благодарение не самодовербата. Лавиците обожаваат фини материјали, како свила и кашмир и совршено скроени парчиња.

Ништо не им ја поткрева самодовербата како одењето на фризер. Во нивната гардероба ќе пронајдете квалитетни чевли, раскошни шалови и скап накит со сјајни камења.

Стилски икони родени во знакот на Лав

Пејачката и актерка Џенифер Лопез е типичен претставник на хороскопскиот знак Лав.

Оваа година на 24 јули таа го прослави својот 49-ти роденден. Оваа бомбастична Лавица е како виното – што постаро, тоа подобро.

Каде и да се појави го „краде“ вниманието со својата појава и важи за една од најсамоуверените и најдобро облечените диви на црвениот тепих.

Уште неколку други славни ѕвезди се родени Лавици и мамат воздишки на големото платно и манифестациите, како Шарлиз Терон, Џенифер Лоренс, Сандра Булок, Хали Бери, Мила Кунис, Хелен Мирен и Мадона.

Лавици, ова е вашиот месец, заслужено уживајте.

(О)Милена | Црнобело