Најдобриот ден да побарате покачување според астрологијата – среда, ден на планетата Меркур

Античките пророци забележале дека секој ден од неделата е енергетски поврзан со една од седумте видливи планети. 

Тие советувале дека одредени активности и однесувања што одговараат на природата на планетата се поврзани со соодветни денови, што ги зголемува шансите за успех.

СРЕДА – Меркур, порака од боговите

Со средата управува Меркур, поврзан со трговија, знаење и информации. Умот е многу активен, љубопитен и отворен за комуникација и размена на информации токму во среда.

Луѓето родени во среда размислуваат брзо, исклучително се весели и оптимистични и лесно стекнуваат нови знаења.

Овој ден е погоден за патувања, трговија, склучување договори, нови контакти, административна и интелектуална работа. Проблемите се решаваат со почитување на интересите на обете страни, мирно и без конфликти.

Среда е ден на планетата Меркур, ден на комуникација, учење и образование, кратки патувања.

Ова е поволен ден за барања, и деловни понуди. Контактирајте го секој што може да ви даде совет, бидејќи во овој ден сигурно ќе добиете мудри насоки.

Комуницирајте со деца, но и со повозрасни луѓе во среда за да го подобрите меѓусебното разбирање. Среда воедно е и одличен ден за консултантски услуги, важни состаноци и трговија, маркетинг активности.

Среда е одличен ден да се осмелите да побарате покачување од шефот. Многумина сметаат дека два дена порано тие се преоптоварени со работата што ги чека во текот на неделата, а два дена подоцна веќе размислуваат за викендот и полесно ги одбиваат барањата.

Денот на Меркур

На санскрит Меркур се нарекува Буди и значи комуникација и наша ментална енергија, перцепција, интелигенција, способност за изразување, начин на размислување, согледување и запомнување. Тој е како мост помеѓу внатрешниот и надворешниот свет.

Среда е добар ден за одржување состаноци, преговори, договори, маркетинг и други слични преписки, за сè што има врска со говори, предавања или забава, бидејќи Меркур сака забава и игри. Исто така е најдобриот ден за развој на бизнисот и барање дополнителни решенија и опции.

Меркур владее со нервниот систем и органите за дишење, екстремитетите – рацете и нозете, рамената, дланките и прстите. Меркур сака движење и игра.

Пожелно е да носите нешто во жолта, зелена или тиркизна боја во среда за да навистина денот ви биде среќен.

Растенијата и плодовите со кои владее Меркур се босилек, детелина, анасон, ким и лешник.

(О)Милена | Црнобело / фото: depositphotos.com