Цветанка рачно црта уметнички дела на велигденски јајца: „Сè започна кога ја изгубив мајка ми – така ги изразив емоциите“

Годината кога започна и приказната со мојот бренд simple Du, сакав таа симболика да се пренесе и таму – па покрај класичните мотиви, внесов и поигрување со креативноста, како јајца со еднорог мотиви.

Ги цртам со акрилни бои, со многу трпение и внимание на детали. Освен овие рачно изработени, секогаш на трпезата имам и традиционални црвени јајца, кои се неизоставен дел од Велигден.

Ќе бидам искрена – досега не сум станала пред изгрејсонце за да ги офарбам првите три јајца.

Некако деновите пред Велигден ми се целосно посветени на цртањето, затоа што секое јајце бара повеќе од еден час работа, а тука се и сите подготовки околу декорацијата на трпезата.

Идеи секогаш имам многу, и секогаш ми недостига уште некој час – а понекогаш и уште некој ден – за да реализирам сè што сум замислила.

Уживам во рачната изработка и тоа чувство го пренесувам и во празниците. Сакам домот да биде уреден во духот на Велигден, особено трпезата, и секоја година се трудам да биде различна, со свој печат и приказна.

За simple Du е познато дека изработува тематски креации, па во некои од годините за декорирање на велигденската трпеза користев и текстилни јајца со рачен вез, како и зајчиња од текстил.

Во друга празнична поставка, дел од приказната беа и големи декоративни зајци со висина од 80 см, како и неколку нови гигантски јајца украсени со цветови.

Обожувам и да готвам, па секогаш се обидувам и храната да ја вклопам во целата празнична атмосфера.

Оваа година имам многу идеи и сè уште немам одлучено која точно ќе ја реализирам, но сигурна сум дека која и да биде – ќе има свој препознатлив печат“.

Повеќе велигденски фотографии од Цветанка:

Продолжува на следната страница...