Направи сам: Домашни природни миризливи стапчиња

„Smudge sticks“ претставуваат  еден вид едноставна домашна замена на миризливите стапчиња направени од ароматични билки заврзани во клопче, кои откако добро ќе се исушат се палат и се оставаат да горат.

Топлите месеци се идеално време за пронаоѓање на лековитите ароматични билки кои растат под вжареното сонце и покрај тоа што може да се употребат за домашната аптека, тие може да се искористат за правење на оригинални миризливи стапчиња кои благотворно делуваат и ги прочистуваат затворените простори во домот.

Миризливите стапчиња можете да ги направите од: жалфија, кедар, мајчина душица, рузмарин, маточина или лаванда.

Потребен материјал:

• Билки
• Памучен конец
• Ножици

Подготовка:

Аранжирајте ги билките на тој начин што ќе бидат со иста должина, а потоа преминете на нивино заврзување.

Тајната на добро направените миризливи стапчиња, кои долготрајно и рамномерно ќе горат, е во тоа да бидат цврсто заврзани.

Потоа можете да ги украсите по желба со конец во различна боја.

Готовите миризливи стапчиња треба добро да ги исушите. Се ставаат на суво и прозрачно место.

За времена употребувањето, потребно е да внимавате запалените жарчиња да не паѓаат, па стапчето најдобро е да го оставите на некоја стаклена површина како чинија.