Направи сама: Бохо плик чанта

Бохо чантите се исклучително популарни кај девојките, бидејќи ја имаат моќта на едноставниот лежерен стил да му дадат дополнителна доза на уникатност и колоритност.

Надополнети со реси, етно детали и многу бои, овие модни додатоци лесно ќе ги пронајдете дури и во познатите трговски дуќани.

Но, овие интересни чанти кои можете да ги комбинирате со краток бел фустан со отворени рамена или со обична тексас комбинација, можете да ги направите и дома.

Сè што ви е потребно е следново:

• Сламена торбичка
• Лепило за ткаенини
• Ножици
• Шарени ленти и пом-пом декорации

Самите одредете го дизајнот и редоследот на траките.

Почнете од едниот крај на чантата. Првата трака залепете ја покрај самиот раб, сè до преклопот.

Нанесете лепило по должината на предната страна и залепете ја лентата. Потоа завртете ја торбата од другата страна и повторете ја постапката.

Откако лепилото ќе се исуши, отстранете го вишокот лента.

Кога ќе ги ставате ресите и пом-пом топчињата, имајте на ум дека ќе биде потребно подолго време за да се исушат.

На делот од торбата каде се наоѓа затворачот, прекинете ја траката, а потоа повторно продолжете од другата страна на затворачот.

Повторувајте ја постапката додека не дојдете до работ на торбата.

По желба може да го украсите и самиот раб на торбата.

М. С. | Црнобело