Материјали кои никогаш не би помислиле дека можат да се користат за градење

Големата архитектура не се врзува за определена формула. Некои од најголемите светски градби се направени од остри агли, додека други следат меки криви.

Многу архитекти сакаат да вклучат сложени резби, додека други преферираат едноставен минимализам. Не постои правилен или погрешен начин за да се креира нешто брилијантно, а тоа се однесува и за материјалите за градба.

Постојат неколку одлични објекти во светот кои се изградени од материјали за кои многу луѓе никогаш не би помислиле дека можат да се искористат при конструкција. На многу начини, оваа инвентивност е тоа што ги прави да бидат визуелно интересни.

„Container City“ - Лондон

„Container City“ во Лондон е речиси целосно изграден од 12 метарски контејнери за транспорт. Изведбата на овој проект е на компанија под име „Urban Space Management“, која има завршено 15 слични вакви проекти откако е завршена првата фаза во градбата на „Container City“ во 2001 година.

Очигледната предност на користење на контејнери за транспорт и тоа што тие се веќе претходно изградени структури. Како такви, потребно е малку време за нивна имплементација и вградување. „Container City’ денес се изнајмува како резиденцијален и канцелариски простор.

„Potato Head Beach Club“- Бали

Лоциран во Бали, „Potato Head Beach Club“ е место за забава во кое се сместени повеќе ресторани и барови наменети главно за туристи.

Самата зграда спекатлурано се вклопува во околината и покрај невообичаената архитектура.

Еден од фасадните ѕидови е целосно составен од ролетни за прозорци.

 Дизајнирана од Индонезискиот архитект Антра Матин, фасадата на зградата е направена од различни ролетни од 18-от век, при што едвај да има две идентични ролетни.

Ролетните се собирани од цела Индонезија за да се создаде уникатен изглед кој успева да биде невообичаен.

„Million Bottle Temple“ - Тајланд

Овој храм во Тајланд, изгледа неверојатно и од далечина, но кога ќе се доближете до него станува фасцинантен.

Ако забележите дека трепери на сончева светлина, тоа е затоа што е направен од над милион пивски шишиња.

Очекувано, затоа го добива името „храм од милион шишиња“.

Изградбата на храмот започнала во 1984 година, почнувајќи со основа од цемент, бидејќи самото стакло нема да биде доволно силно за да ја издржи тежината на градбата.

Идејата на храмот е да се покаже каква убавина може да се создаде од ѓубре кое секојдневно се фрла, а исто така служи како порака за тоа колку луѓето консумираат пијалоци.

„EcoARK“  - Тајван

Кога станува збор за згради изградени од шишиња, „EcoARK“ е импресивен триспратен амфитеатар во Тајван кој е направен од повеќе од 1.5 милиони рециклирани пластични шишиња.

Оваа градба е дизајнирана со цел да се подигне свеста за тоа колку е важно рециклирањето.

Даглас Хсу, претседателот на Групацијата „Далечен Исток“, фирмата изведувач на градбата, изјави: „EcoARK“ е најлесно подвижното чудо на животната средина, во светот“.

Пластичните шишиња се искористени за креирање на тули, а меѓусебно се спојуваат со тенок слој на силикон.

На овој начин, креирана е градба која е многу отпорна на земјотреси и тајфуни.

„The Beer Can House“ - Хјустон

Самото име на оваа куќа го кажува составот од што е изградена.

Џон Милкович започна со градба на овој дом во 1942 година, на класичен начин.

Сепак, од 1960 година, тој во неа додал завеси, огради и склупури изградени од алуминиумски лименки пиво.

Џон Милкович го продолжил градењето на куќата со лименки пиво како хоби, а не како некој уметнички проект.

Сепак, куќата стана богата локална знаменитост на градот Хјустон во Тескас.

Се проценува дека со текот на годините, во овој уникатен дом се вградени повеќе од 50.000 лименки од пиво.

„Paper House“ - Рокпорт

Оваа куќа е дело на Елис Стенман во Рокпорт, Масачусетс, САД. Машински инженер, Стенман во 1922 година одлучил да изгради куќа од весник, бидејќи мислел дека  весникот ќе биде добар изолатор.

На крајот, не само куќата, туку и поголемиот дел од мебелот е изграден од необичен материјал.

Рамката на куќата е изработена од дрво, а исто така и покривот и подот, но ѕидовите се направени од набиен весник, распределени во слоеви кои меѓусебно се споени со лепак.

Тие се водоотпорни благодарение на надворешниот слој на лак. Објектот е завршен во 1924 година. Овој дом постои и ден денес.

С. У. | Црнобело