Какви тајни кријат најпознатите холивудски логоа?

На сите ни се добро познати логоата на најголемите холивудски продукциски куќи, без разлика дали се стари како „Metro-Goldwyn-Mayer“ и „Disney“ или нови како „Pixar“.

Но, дали знаете какви интересни приказни кријат зад себе?

„DreamWorks Pictures“

Продуцентите очекувале ликот кој лови да биде возрасен човек, но главниот уметник кој бил задолжен за логото, Роберт Хант, решил да наслика момче. На крајот, идејата била прифатена.

„Сolumbia Pictures“

На почетокот не постоел специфичен модел по кое било направено логото, но во 1992-та година, уметникот Мајкл Деас ја најмил Џени Џозеф да биде модел за логото.

„Metro-Goldwyn-Mayer“

Идејата за логото, Хауард Дитц, ја добил благодарение на Универзитетот каде студирал. Спортскиот тим на Универзитетот во Колумбија има име „Lions“.

Откако првпат се појавува MGM, сменети се 5 лавови, Слатс, Џеки, Танер, непознат лав и Лео.

„Paramount Pictures“

За ова лого, уметникот Вилијам Хоџкинсон, насликал планина слична на Бен-Ломонд која се наоѓа во Јута.

„Warner Bros.“

Едноставното лого треба да го претставува презимето на браќата кои стојат зад ова компанија, но Ворнер не е нивното вистинско презиме. Нивното вистинско презиме е Ајхелбаум, кое подоцна го смениле во Ворнер.

„Walt Disney“

Логото на најпознатото студио за анимирани филмови претставува замок. Првиот замок кој служел за инспирација бил Нојшванштајн, а во 2006-та година е заменет со замокот на Пепелашка во Париз.

„Pixar“

Логото е креирано благодарение на успешната премиера на компанијата која била претставена со ламбата „Suite Jr.“ во 1986-та година.

„Castle Rock Entertainment“

„Castle Rock Entertainment“ денес е откупена од „Warner Bros.“, но нивното лого сè уште стои. Инаку, оваа компанија името и логото ги добила по првиот филм кој го направиле, по книга на Стивен Кинг, „Needful Things“. Во книгата и филмот, дејството се случува во градот Castle Rock кој има светилник ист како оној од логото.

„Lionsgate“

Името и логото на оваа компанија доаѓаат од мостот „Lionsgate“ кој се наоѓа во Ванкувер, градот каде е роден основачот на компанијата, Роберт Алтман.

Н. Г. | Црнобело