Магична катедрала направена од живи дрвја (фото)

Италијанскиот артист Џулијано Маури е веќе познат по неговата „природна“ архитектура, а неговата катедрала од дрвја е можеби најубавото дело досега.

За да ја направи Vattedrale Vegetale, или Катедралата од дрва, Џулијано засадил неколку колони дрвја, на тој начин што кога ќе пораснат ќе формираат базилика. Дрвјата се засадени во дрвени рамки, кои со текот на времето ќе изгнијат, па на крај ќе остане само структурата од живи дрвја.

Овој проект е навистина масивен и се употребени 1.800 стебла смрека и 600 гранки од орев, кои се прицврстени со 6.000 метри фиданки од лешник. Како што стеблата растат, тие ќе формираат и покрив за катедралата.

Катедралата зафаќа површина од 650 метри квадратни, а биле потребни неколку месеци да се постави.

Џулијано почнал да ги сади дрвјата уште во 2002-та, но починал во 2009-та, пред да го види крајниот резултат на неговото дело.

Катедралата се наоѓа во Северна Италија, а можете да ја видите и денес.

Спирова С. | Црнобело