Безбедни и интимни куќарки со поглед – Како ќе уживаат гостите во ресторан во Амстердам? (фото)
Ресторан во Амстердам понуди навистина интересно решение, со коешто им овозможува на гостите да уживаат во оброкот на поголема дистанца од другите, односно целосно одвоени.
Станува збор за таканаречени карантински стакленици, во кои има само една маса, така што целосно е изолирана од другите. Односно, секој клиент си добива свој мал стакленик во вид на куќичка.
Стаклениците се наоѓаат покрај канал и во нив е сместена мала кружна маса и 2-3 столчиња. Интересно е што стаклениците се толку мали, што во нив не може да влезе никој од вработените, а храната ја носат со долг послужавник.
Засега услугата ја тестираат само на семејството и пријателите на вработените, а според веб-сајтот на ресторанот, пополнети се речиси сите резервации.
Вработените пак, носат ракавици и визири, со цел да се намали ризикот од инфекции.
Според оние кои веќе ги пробале стаклениците, целото искуство било пријатно, а стаклениците биле навистина удобни.
Директорот на ресторанот вели дека претходно веќе имале уметнички инсталации со овие мали стакленици. Кога ја земале предвид сегашната ситуација, решиле да ги прилагодат стаклениците за гости, а идејата се покажала како одлична.
Во меѓувреме, и рестораните во Скопје почнаа да се подготвуваат за работа, инсталирајќи заштитни паравани.
Спирова С. | Црнобело
Би можело да ве интересира:
Препорачуваме
Најчитани неделава
