9-годишно девојче само си шие фустани - дизајнерката Вера Ванг ѝ испратила машина за шиење
Браво! Креативно девојче од Колорадо смислува уникатни дизајни за себе и ги шие со помош на нејзината мајка.
Каја Арагон е 9-годишно девојче од Колорадо кое на социјалните мрежи го воодушевува светот со своите креации.
Каја својот прв дизајн го направила минатата година, а веќе има гардеробер преполн уникатни парчиња, креирани со помош на машината за шиење, која ѝ ја подарила дизајнерката Вера Ванг, откако го видела нејзиниот потенцијал.
Каја и нејзината мајка ги водат профилите заедно, а Каја вели дека отсекогаш сонувала да биде модна дизајнерка кога ќе порасне, но сега сонот некако спонтано ѝ се остварува уште од сега.
„Дури и кога не си креирав сама фустани, бирав парчиња со кои ќе се истакнам и ќе оставам впечаток“ вели Каја, а нејзината мајка која ѝ помага при шиењето вели дека идеите на нејзината ќерка се толку креативни, што некогаш и таа самата е изненадена, па мора да гледа туторијали за шиење за да може да ѝ помогне на ќерка си да ги претвори во реалност дизајните од нејзината глава.
Каја, покрај фустани, креира и други парчиња на облека за себе.
Дел од креациите на Каја:
С. С. | Црнобело
Би можело да ве интересира:
Препорачуваме
Најчитани неделава
