Никој не ти кажува колку ќе ти недостига фазата на новороденче (и мирисот на бебенце)

Никој не ти кажува колку ќе ти недостига фазата на новороденче.

Сите зборуваат за тешките ноќи и раните утра, но никој не ти кажува дека ќе копнееш за тој опоен мирис на новороденче откако ќе исчезне.

Како е можно да ти недостига некој толку многу, дури и кога го држиш во своите прегратки?

Со секоја поголема пелена и секое премало боди, со таа болничка белегзија што седи на полица и гледајќи го како ги достигнува своите развојни цели, твоето срце малку се крши... но истовремено не се крши.

Родителството е чудно.

Сакаш да растат и сакаш да излезат од одредени фази, а кога тоа ќе се случи, истовремено си преплавен со возбуда и радост, но и со срце што се распарчува.

Ти велат: „Брзо поминува“ и не можеш, а да не кимнеш со глава или да превртиш со очите на оваа веќе слушната фраза, но кога конечно ќе го искусиш, брзо сфаќаш – навистина брзо поминува.

Побрзо од што можеш да замислиш.

Па, затоа, додека го бакнуваш образот на твоето новороденче по 300-ти пат вечерва, вдиши го тој мирис уште малку и задржи го во себе.

Затоа што времето е крадец и брзо поминува.

Извор /  фото: depositphotos.com