Ретро носталгија: Се сеќавате ли кога во дневни весници читавме најава што ќе има на ТВ програмата?

Ах, порано кога времињата беа поедноставни, сè беше некако помагично, зарем не? Се сеќавате ли кога сите купувавме дневни весници и, покрај другото, читавме најава што ќе има на телевизија?

Во времето кога се запишував на Правниот факултет „Јустинијан Први“ – Скопје, отсек „новинарски студии“, сонував дека ќе работам во печатен медиум.

Дека секојдневно ќе го чувствувам мирисот на мојата приказна „тазе испечатена“ на белите страници.

Но, времињата се променија и во оваа дигитална ера весниците и магазините во Македонија, за жал, се сведени на минимум.

И додека порано во киосците требаше да се помислите кој дневен весник да го купите, денес изборот е навистина скромен.

И јас подеднакво уживам во мојата новинарска работа и во електронски медиум, но секојпат кога ќе видам нешто што ме потсетува тоа време ми доаѓа топло на душата.

Па, така, една објава на Твитер ми ја разбуди ретро носталгијата и ме врати во минатото...

Ме врати во времето кога во дневните весници имаше најава за ТВ програмата и си читавме што и во колку часот ќе гледаме во наредните денови.

Сосема поинаков начин на живот беше тоа, нели?

Денес сè е побрзо и полесно достапно, но, лично за мене, тогаш сè беше помагично!

Порано кога времињата беа поедноставни, работите повеќе ги ценевме, нели?

Уште неколку фотографии од ТВ програмата во весниците, од Фејсбук групата „Ретро ризница“:

Симона Симионова | Црнобело